Заразіха галінастая

Заразі́ха галінастая^[1][2] (Orobanche ramosa) — паразітная расліна сямейства заразіхавыя.

Заразіха галінастая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Заразіхавыя Род:  Заразіха Від:  Заразіха галінастая
Міжнародная навуковая назва
Orobanche ramosa L., 1753
Сістэматыка на Віківідах Выявы на Вікісховішчы ITIS   34298 EOL   577856 GRIN   t:26029 IPNI   662640-1 TPL   kew-2395601

Апісанне

Кветкі сіне-блакітныя, сабраныя ў коласападобныя суквецці. Плод — каробачка. У адной расліне заразіхі можа ўтварыцца да 15 тысяч вельмі дробных насенін (маса 1000 сямян — 0,001 г). Распаўсюджваюцца яны ветрам і захоўваюцца ў глебе некалькі гадоў.

Значэнне

Пашкоджвае каранёвую сістэму канопляў і іншых культур. На пашкоджаных каранях з'яўляюцца зорчатыя ўздуцці, з якіх развіваюцца разгалінаваныя мясістыя чырвона-бурыя сцёблы заразіхі галінастай вышынёй 10-20 см. Заразіха галінастая забірае ў раслін вялікую колькасць пажыўных рэчываў і вады, з прычыны чаго сцяблы канопляў не развіваюцца і маюць прыгнечаны выгляд. Ураджай валакна і яго якасць зніжаюцца.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 91. — 160 с. — 2 350 экз.
2. Напісанне Заразіха галінастая ў адпаведнасці з БЭ ў 18 тамах., Т. 6. Мн., 1998. — С. 537.