Засценкаўскі сельсавет

Засце́нкаўскі сельсаве́т — былая адміністрацыйна-тэрытарыяльная адзінка ў складзе Дубровенскага раёна Віцебскай вобласці Беларусі. Адміністрацыйны цэнтр — вёска Засценкі.

Засценкаўскі сельсавет
Краіна	Беларусь
Уваходзіць у	Дубровенскі раён
Уключае	20 населеных пунктаў
Адміністрацыйны цэнтр	Засценкі
Дата ўтварэння	16 ліпеня 1954
Дата скасавання	14 верасня 2017
Насельніцтва (2009)	538
Часавы пояс	UTC+03:00
Код аўтам. нумароў	2

Гісторыя

Утвораны 16 ліпеня 1954 года ў складзе Дубровенскага раёна Віцебскай вобласці БССР шляхам аб’яднання скасаваных Новатухінскага і Чарнаручанскага сельсаветаў^[1]. 20 мая 1960 года ў склад Азярэцкага сельсавета перададзены 3 населеныя пункты (Кіраёва, Косціна і Рэдзькі)^[2]. З 25 снежня 1962 года сельсавет у складзе Аршанскага раёна, з 6 студзеня 1965 года — у складзе адноўленага Дубровенскага раёна. На 1 студзеня 1974 года ў складзе сельсавета 77 населеных пунктаў^[3].

8 красавіка 2004 года да Засценкаўскага сельсавета далучана тэрыторыя скасаванага Рэдзькаўскага сельсавета (8 населеных пунктаў: вёскі Азёры, Вялікае Тхорына, Кіраёва, Косціна, Пятрыкі, Рэдзькі, Судзілавічы і Шэкі)^[4]. 8 ліпеня 2008 года скасавана вёска Азёры^[5].

14 верасня 2017 года Засценкаўскі сельсавет скасаваны, яго тэрыторыя далучана да Асінторфскага сельсавета^[6].

Насельніцтва

Насельніцтва сельсавета паводле перапісу 2009 года — 538 чалавек^[7], з іх 94,2 % — беларусы, 4,5 % — рускія, 1,1 % — украінцы^[8].

Склад

На момант скасавання ў склад сельсавета ўваходзілі 20 населеных пунктаў: аграгарадок Рэдзькі, вёскі Вялікае Тхорына, Ганчарова, Гічы, Дарожная, Засценкі, Іваноўшчына, Карумны, Кіраёва, Косціна, Новая Зямля, Новая Тухінь, Пятрыкі, Рыленкі, Сарвіры, Сенцюры, Судзілавічы, Шухаўцы, Шэкі і Якіменкі.