Заходаўскі сельсавет

Захо́даўскі сельсавет — адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — аграгарадок (да 2009 г. вёска) Заходы.

Заходаўскі сельсавет
Краіна	Беларусь
Уваходзіць у	Рэчыцкі раён
Уключае	7 населеных пунктаў
Адміністрацыйны цэнтр	Заходы
Дата ўтварэння	8 снежня 1926, 26 верасня 2006
Дата скасавання	30 снежня 1927
Насельніцтва (2019)	486
Часавы пояс	UTC+03:00
Код аўтам. нумароў	3
Афіцыйны сайт

Пасля другога ўзбуйнення БССР з 8 снежня 1926 года Заходскі сельсавет у складзе Васілевіцкага раёна Рэчыцкай акругі БССР. Цэнтр — вёска Заходы. З 9 чэрвеня 1927 года ў складзе Гомельскай акругі. З 4 жніўня 1927 года ў складзе Рэчыцкага раёна. 30 снежня 1927 года скасаваны, тэрыторыя далучана да Залатушскага (Залатухскага) сельсавета.

26 верасня 2006 года Дуброўскі сельсавет Рэчыцкага раёна Гомельскай вобласці перайменаваны ў Заходаўскі, цэнтр сельсавета перанесены ў вёску Заходы^[1]. 27 лютага 2015 года скасаваны пасёлак Новасвятое^[2].

Насельніцтва сельсавета паводле перапісу 2009 года (8 населеных пунктаў) — 787 чалавек^[3], з іх 92,6 % — беларусы, 3,4 % — рускія, 2,7 % — цыганы^[4]; паводле перапісу 2019 года (7 населеных пунктаў) — 486 чалавек^[5].

Зноскі

1. Решение Гомельского областного Совета депутатов от 26 сентября 2006 г. № 295 Об изменении административно-территориального устройства районов Гомельской области Архівавана 22 верасня 2019.
2. Решение Речицкого районного Совета депутатов от 27 февраля 2015 г. № 46 Об упразднении сельских населенных пунктов Речицкого района
3. Колькасць насельніцтва населеных пунктаў Гомельскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Гомельскай вобласці Беларусі паводле перапісу 2019 года