Землетрасенне на Камчатцы (2025)

Землетрасенне магнітудай 8,8 адбылося 30 ліпеня 2025 года каля 11:30 па мясцовым часе на тэрыторыі Камчацкага краю і Сахалінскай вобласці Расіі^[4]. Гэта наймацнейшае з 1952 года зямлетрасенне на тэрыторыі Камчацкага краю і Сахалінскай вобласці. Гэта наймацнейшае землетрасенне, зарэгістраванае пасля землетрасення ў Японіі ў 2011 годзе, і стаіць нароўні з землетрасеннямі ў Эквадоры і Калумбіі 1906 года і чылійскім землетрасеннем 2010 года як шостае па сіле землетрасенне, калі-небудзь зарэгістраванае. Землетрасенне нанесла ўмераны ўрон у Камчацкім краі і Сахалінскай вобласці, але наступнае цунамі па ўсім Ціхім акіяне аказалася адносна слабейшым, чым чакалася, з хвалямі ўсяго каля 1 м або менш у большасці месцаў. Адзін ускосны смяротны выпадак^[5] і траўмы яшчэ ў 21 чалавека былі выкліканы ў асноўным эвакуацыямі з-за пагрозы цунамі ў Японіі.

Землетрасенне на Камчатцы
Краіна	Расія
Дата	29 ліпеня 2025 і 30 ліпеня 2025
Момант магнітуды землетрасення	8,8[1]
Балаў паводле шкалы Меркалі	IX паводле шкалы Меркалі[d][2]
Вертыкальная глыбіня	18,2 км і 35 км[3]
Землетрасенне на Камчатцы
Медыяфайлы на Вікісховішчы

Шкода

Мацней за ўсё пацярпеў горад Севера-Курыльск: па ім ударылі чатыры хвалі цунамі, у выніку чаго былі затоплены порт і рыбны завод, частка судоў была выкінута на бераг, таксама ў горадзе адключылася электрычнасць і быў аб’яўлены рэжым НС^[6].

Актывізацыя вулканаў

Актывізаваўся Авачынскі вулкан, над ягоным кратэрам узняліся парагазавыя выкіды з невялікай колькасцю попелу на вышыню да 300 метраў. Над вулканам Ключаўская Сопка ўтварылася попелавая калона вышынёй да 6 кіламетраў, па схіле пацякла лава. Пачаў вывяргацца вулкан Крашэнінікава, які спаў амаль 600 гадоў. Ёсць верагоднасць, што ў стадыю вывяржэння ўвайшоў і вулкан Камбальны: жыхары пасёлка Азёрны расказваюць, што з боку гэтага вулкана час ад часу чуецца магутны гул і грымоты^[7].