Землетрасенне ў Бадахшане (2023)

21 сакавіка 2023 года (а 21:47) адбылося землетрасенне магнітудай 6,5 з эпіцэнтрам у афганскай правінцыі Гіндукуш^[1].

Дата і час	21 сакавіка 2023
Магнітуда	6,5
Глыбіня гіпацэнтра	200 км
Закранутыя краіны (рэгіёны)	Афганістан,  Пакістан,  Таджыкістан,  Узбекістан,  Казахстан,  Туркменістан,  Індыя
Пацярпелыя	34 загінулых, 615 пацярпелых

Тэктанічная абстаноўка

Большая частка Паўднёвай Азіі сейсмічна актыўная, бо Індыйская тэктанічная пліта ўціскаецца на поўнач у Еўразійскую пліту.

Землетрасенне

Геалагічная служба ЗША паведаміла, што сіла землятрусу склала 6,5 бала. Нацыянальны цэнтр сейсмалогіі Індыі ацаніў магнітуду трохі вышэй — 6,6 бала^[2], а метэаралагічная служба Пакістана — 7,7^[3].

Штуршкі адчуваліся ў Пакістане, Таджыкістане, Узбекістане, Паўднёвым Казахстане, Індыі і Туркменістане^[4]. Паведамленні аб штуршках паступалі нават з Нью-Дэлі^[5]. У Лебапскім велаяце (Туркменістан) іх сіла склала 2-3 балаў, у городзе Ташкент, узбекістанскай сталіцы, дасягнула 5 балаў.

У Афганістане ад прыроднага бедства загінулі 10 чалавек і 80 атрымалі раненні^[6][7][8][9], у Пакістане — 24 і 545 адпаведна^{[4][10][11][12][13][14][15]}, Індыі — 1 паранены^[16][17][18].