Змеегалоўнік Руйша

Змеегалоўнік Руйша^[1] (Dracocephalum ruyschiana) — кветкавая расліна роду Змеегалоўнік (Dracocephalum) сямейства Ясноткавыя (Lamiaceae).

Змеегалоўнік Руйша
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Род:  Змеегалоўнік Від:  Змеегалоўнік Руйша
Міжнародная навуковая назва
Dracocephalum ruyschiana L., 1753
Выявы на Вікісховішчы NCBI   39297 EOL   2893770 IPNI   446513-1 TPL   kew-63894

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Апісанне

Шматгадовая травяністая расліна з разгалінаваным карэнішчам і прамымі валасістымі, у верхняй частцы разгалінаванымі сцёбламі вышынёй да 60 см. Лісце ланцэтна-лінейнае або амаль лінейнае, з загнутымі ўніз краямі, пераважна сядзячае, даўжынёй 2—3 см. Кветкі буйныя, сіне-фіялетавыя, у 6-кветкавых несапраўдных мутоўках, сабраных на канцы сцябла ў падоўжанае гронкападобнае суквецце даўжынёй 3—5 см. Плод — арэшак.

Пашырэнне

Барэальны еўразійскі лесастэпавы рэліктавы від. Знаходзіцца ў Беларусі паблізу паўночна-заходняй мяжы арэала, з’яўляецца прадстаўніком паўднёвасібірскага (алтайскага) міграцыйна-генетычнага элемента ў флоры. Месцы росту: зрэджаныя хвойна-шыракалістыя, сасновыя і саснова-бярозавыя лясы імшыстага, чарнічнага і верасовага тыпаў, травяністыя схілы.

Асаблівасці біялогіі

Цвіце ў чэрвені—ліпені, пладаносіць у ліпені. Размнажэнне насеннае.

Выкарыстанне

Дэкаратыўная, лекавая, меданосная, тэхнічная і кармавая расліна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 46. — 160 с. — 2 350 экз.