Зомба

Зо́мба (англ.: Zomba) — горад на поўдні Малаві. Насельніцтва (2018 год) — 105 013 чал.

Населены пункт
Зомба
15°23′09″ пд. ш. 35°19′08″ у. д.HGЯO
Краіна	Малаві
Гісторыя і геаграфія
Вышыня цэнтра	950[1] м
Насельніцтва
Насельніцтва	101 140 чал. (2008)
Нацыянальны склад	ломвэ, яа, чэва, нгоні
Канфесійны склад	пратэстантызм (65,47%), каталіцызм (17,67%), іслам (14,17%)
Паказаць/схаваць карты
Зомба
Медыяфайлы на Вікісховішчы

Гісторыя

Зомба вядома з 1885 годзе як паселішча шатландскіх плантатараў. У 1887 годзе тут быў узведзены першы мураваны будынак Рэзідэнцыя для абароны ў магчымых сутычках з гандлярамі рабамі. У 1893 годзе Зомба стала сталіцай пратэктарата Брытанская Цэнтральная Афрыка, у 1907 годзе — пратэктарата Ньясаленд. У 1964—1974 гадах — першая сталіца дзяржавы Малаві.

Геаграфія

Зомба месціцца на ўзвышшах за 230 км на паўднёвы усход ад Лілонгвэ на вышыні 950^[1] метраў над узроўнем мора. Аднайменнае скальнае плато каля горада — яго галоўная прыродная славутасць. Клімат трапічны вільготны. Сярэднегадавая тэмпература трымаецца каля +21 °C. Гадавая колькасць ападкаў — 1340 мм.

Інфраструктура

Зомба — важны эканамічны, адукацыйны і турыстычны цэнтр Малаві. Аснову мясцовай эканомікі фарміруюць харчовая і перапрацоўчая прамысловасць, гандлёвыя і транспартныя прадпрыемствы. У горадзе месцяцца Канцлер-каледж універсітэта Малаві, тэалагічны каледж, найбуйнейшая ў краіне каталіцкая школа, гарадскі шпіталь, турма строгага рэжыму. Цэнтральная частка Зомбы славута брытанскімі каланіяльнымі будынкамі першай паловы XX стагоддзя.

Насельніцтва

• 1983 год — 46 000 жыхароў^[1].