Зоя Міхайлаўна Сяргеева

У Вікіпедыі ёсць артыкулы пра іншых людзей з прозвішчам Сяргеева.

Зоя Міхайлаўна Сяргеева (11 лістапада 1936, с. Ільінскае, Дзмітраўскі раён, Маскоўская вобласць, Расія) — савецкі і расійскі археолаг. Кандыдат гістарычных навук (1980).

Зоя Міхайлаўна Сяргеева
Дата нараджэння	11 лістапада 1936(1936-11-11) (88 гадоў)
Месца нараджэння	Ільінскае[d], Дзмітраўскі раён[d], Маскоўская вобласць, РСФСР, СССР
Род дзейнасці	вучоная
Навуковая сфера	археалогія
Навуковая ступень	кандыдат гістарычных навук
Альма-матар	Маскоўскі дзяржаўны ўніверсітэт імя М. В. Ламаносава

Біяграфія

У 1959 г. скончыла Маскоўскі дзяржаўны ўніверсітэт імя М. В. Ламаносава. У 1959—1997 гг. працавала ў Інстытуце археалогіі Расійскай акадэміі навук.

Абследавала археалагічныя помнікі ў Віцебскай вобласці. Даследавала курганы VIII—XIII стст. у Верхнядзвінскім (у т.л. курганны могільнік Дзянісенкі^[1]) і Талачынскім раёнах, вывучала этнічны склад і матэрыяльную культуру сельскага насельніцтва паўночнай Беларусі канца 1-га — пачатку 2-га тысячагоддзяў н.э.

Вучоная выявіла элементы пахавальнага абраду і матэрыяльнай культуры ўсходніх славян Паўночнай Беларусі, аналагічныя старажытнасцям балцкіх плямён, што тлумачыць захаваннем традыцый даславянскага насельніцтва, якое жыло тут да XI — пачатку XII стст., і кантактамі з суседнімі рэгіёнамі. Па знаходках балцкіх рэчаў даследавала сувязі крывічоў з суседнімі балцкімі плямёнамі ў дамангольскі час. На яе думку, у X—XI стст. больш значае ўздзеянне на заходнерускія землі было з боку суседніх усходнеславянскіх плямён крывічоў на балцкі рэгіён. Даследавала курганы каля Друцка (Багрынава). Устанавіла, што тэрыторыю на ўсход ад Друцка ў XI ст. засялялі крывічы.

Працы

Кнігі і брашуры

• Изучение курганов вы окрестностях Освейского озера // КСИА. — 1989. — № 195. — С. 71 — 74.

Артыкулы ў перыядычных і серыйных выданнях

• Балтские элементы в древнерусских курганах днепро-двинского междуречья // Проблемы этнической истории балтов: тезисы докладов межреспубликанской научной конференции / [Редкол.: И. Э. Ронис (отв. ред.) и др.]. — Рига: Зинатне, 1985. — 203 с. — С. 95 — 97.
• Курганы у дер. Багриново вблизи древнерусского Друцка (БССР) // КСИА. — 1969. — Вып. 120. — С.
• Курганы у дер. Новинки Витебской области / З. М. Сергеева // Краткие сообщения Института археологии АН СССР (далей — КСИА). — 1975. — Вып. 144. — С. 85 — 90.
• Раскопки курганов в Восточной Белоруссии // КСИА. — 1973. — Вып. 135. — С.
• О прибалтийских шейных гривнах в древнерусских памятниках X—XIII вв. // Краткие сообщения о докладах и полевых исследованиях Института археологии АН СССР. — 1978. — Вып. 155. — 35—40: ил.
• Раскопки курганов на северо-западе Витебской области // Археологические открытия 1975 года / Институт археологии, Академия наук СССР; [Отв. ред. Б. А. Рыбаков]. — М.: Наука, 1976. — 602 с., [1] л. ил.: ил. — С. — 425—426.

Зноскі

1. Энцыклапедыя гісторыі Беларусі. У 6 т. Т. 3: Гімназіі — Кадэнцыя / Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн. : БелЭн, 1996. — 527 с. — 10 000 экз. — ISBN 985-11-0041-2.