Зоя Пятроўна Мельнікава

Зоя Пятроўна Мельнікава (нар. 25 верасня 1954, в. Навасёлкі, Докшыцкі раён, Віцебская вобласць) — беларускі літаратуразнавец. Доктар філалагічных навук, прафесар.

Зоя Пятроўна Мельнікава
Дата нараджэння	25 верасня 1954(1954-09-25) (70 гадоў)
Месца нараджэння	Докшыцкі раён, Маладзечанская вобласць, Беларуская ССР, СССР
Грамадзянства	Беларусь
Род дзейнасці	літаратуразнаўца
Месца працы	Брэсцкі дзяржаўны ўніверсітэт імя А. С. Пушкіна
Навуковая ступень	доктар філалагічных навук
Альма-матар	Полацкае педагагічнае вучылішча (1973) БДУ (1981)
Узнагароды

У Вікіпедыі ёсць артыкулы пра іншых людзей з прозвішчам Мельнікава.

Біяграфія

Скончыла Полацкае педвучылішча (1973), БДУ (1981). Працавала настаўніцай ў Астроўшчынскай (Полацкі раён) і Лошніцкай (Барысаўскі раён) сярэдніх школах. З 1984 года ў Брэсцкім педінстытуце. У 1986 годзе стала кандыдатам філалагічных навук. Працавала асістэнтам (1985—1986), старшым выкладчыкам (1986—1987), дацэнтам (1987—1994) кафедры беларускай літаратуры, кафедры беларускага літаратуразнаўства (1994—2003); загадчыкам (2003—2004; 2007—2013) кафедры беларускага літаратуразнаўства. Дэкан (2004—2007) філалагічнага факультэта.

Навуковая дзейнасць

Даследуе гісторыю літаратуры, сучасную беларускую прозу і паэзію, літаратуру Берасцейшчыны. Аўтар манаграфіі «На горне душы…» (2001), вучэбных дапаможнікаў для студэнтаў гуманітарных факультэтаў ВНУ, адзін з аўтараў праграмы і падручнікаў для агульнаадукацыйных школ «Родная літаратура» (для 5 і 6 класаў), «Беларуская літаратура» (для 10 і 11 класаў).

Узнагароды

• Выдатнік адукацыі Рэспублікі Беларусь (2014).

Літаратура

• Мельнікава Зоя Пятроўна // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.]; уклад. А. В. Скараход; мастак Э. Э. Жакевіч. — Мінск : БелЭн, 2004. — С. 633—634.

Спасылкі

• Мельнікава Зоя Пятроўна на сайце анлайн-энцыклапедыі «Беларусь у асобах і падзеях»