Зямля (фільм)

У паняцця ёсць і іншыя значэнні, гл. Зямля (значэнні).

«Зямля́» — беларускі дакументальны кароткаметражны фільм рэжысёра Віктара Аслюка, зняты на тэлеканале «Белсат» у 2011 годзе.^[1]

Зямля
Зямля
Жанр	дакументальны фільм
Рэжысёр	Віктар Мікалаевіч Аслюк
Сцэнарыст	Віктар Мікалаевіч Аслюк
Кінакампанія	Белсат
Працягласць	31 хв.
Краіна	Беларусь
Мова	беларуская
Год	2011
IMDb	ID 2269462

Сюжэт

На беларуска-расійскім памежжы вядуць пошук чалавечых парэштак, не пахаваных з Другой сусветнай вайны. За 7 гадоў знайшлі больш за ажно 700 салдат. У 1942 годзе тут, у віцебскіх і ноўгарадскіх лясах праходзіла лінія фронту, дзе загінулі тысячы савецкіх вайскоўцаў: адзін полк СС знішчыў тры савецкія дывізіі. Страты Чырвонай Арміі падчас пазіцыйнай вайны за наступныя два гады склалі каля 75 %. Капачы едуць сюды за свой кошт, жывуць у палявых умовах, спяць у намётах, харчуюцца кансервамі і ўвесь дзень прасейваюць брудную зямлю, каб знайсці як мага больш. Праўда, галоўнае, што цікавіць капачоў — металічныя прадметы, што захаваліся лепш за чалавечыя косці… Бо менавіта па іх і можна знайсці загінулых тут салдат, каб аддаць ім апошні доўг: пахаваць па-хрысціянскі.

Здымачная група

• аўтар сцэнарыя і рэжысёр — Віктар Аслюк
• аператар — Ян Ганчарук
• асістэнт рэжысёра — Алесь Данільчык
• рэдактар — Яраслаў Камінскі
• прадзюсар — Міраслаў Дэмбінскі

Узнагароды

Першая ўзнагарода ў катэгорыі замежных кароткаметражных дакументальных фільмаў — Міжнародны фестываль дакументальнага кіно «Cinema du Reel» (Парыж, Францыя, 2012).