Зінаіда Васілеўна Антановіч

У Вікіпедыі ёсць артыкулы пра іншых людзей з прозвішчам Антановіч.

Зінаіда Васілеўна Антановіч (нар. 2 лютага 1984, Пінск, Брэсцкая вобласць) — беларускі гісторык, архівіст.

Зінаіда Васілеўна Антановіч
Дата нараджэння	2 лютага 1984(1984-02-02) (41 год)
Месца нараджэння	Пінск, Брэсцкая вобласць, Беларуская ССР, СССР
Грамадзянства	Беларуская ССР  Беларусь
Род дзейнасці	гісторык, архівіст
Месца працы	Нацыянальны гістарычны архіў Беларусі
Альма-матар	гістарычны факультэт БДУ (2006)
Вядомы як	даследчыца гісторыі рымска-каталіцкай царквы ў Беларусі

Біяграфія

Нарадзілася 2 лютага 1984 года ў Пінску. Скончыла сярэднюю школу № 12 горада Пінска ў 2001 годзе. У 2006 годзе скончыла гістарычны факультэт Беларускага дзяржаўнага ўніверсітэта. У 2007 годзе паступіла ў аспірантуру БелНДІДАС^[1].

З 2004 па 2007 год займала пасаду старшага навуковага супрацоўніка, з ліпеня 2007 года — галоўнага архівіста аддзела публікацыі дакументаў Нацыянальнага гістарычнага архіва Беларусі^[1].

Навуковая дзейнасць

Займаецца падрыхтоўкай да выдання гістарычных крыніц. Удзельнічала ў распрацоўцы навукова-даследчых тэм «Крыніцы па гісторыі горадабудаўніцтва і архітэктуры Беларусі» і «Гісторыя дзяржаўных устаноў ВКЛ: Пінскі магістрат і Пінскі каптуровы суд». Прымала ўдзел у падрыхтоўцы навуковага зборніка дакументаў «Вінцэнт Дунін-Марцінкевіч»^[1].

Аўтар шэрагу артыкулаў, прысвечаных гісторыі рымска-каталіцкай царквы на Беларусі XVIII — пачатку XX стагоддзяў, а таксама знакамітым дзеячам айчыннай гісторыі і культуры (Максім Лужанін, Кузьма Чорны, Змітрок Бядуля). Рэгулярна друкуецца ў зборніку «Архіварыус»^[1].

Бібліяграфія

• Лёсы каталіцкага духавенства на Беларусі 1917–1939 гг.: асноўныя аспекты даследавання // Беларуска-польскія архіваліі: стан і перспектывы: Матэрыялы Другой беларуска-польскай канферэнцыі архівістаў (Мінск, 10‑11 кастрычніка 2001 г.). Мн., 2003. С. 216–220.
• Пінскі кляштар мар’явітак // Архіварыус: зб. навук. паведамл. і арт. Вып. 3. Мн.: НГАБ, 2005. С. 5–8.
• Лёсы каталіцкіх ксяндзоў Магілеўшчыны (1917–1939 гг.) // Шляхі магілёўскай гісторыі: зборнік навуковых прац. Магілёў, 2005.
• Перыядычны друк рыма-каталіцкай царквы г. Мінска кан. XVIII–пач. XX стст. // Міжнародная навуковая канферэнцыя «Знакамітыя мінчане ХІХ-ХХ стст.». (Мінск, 27 кастрычніка 2005 г.) (у сааўтарстве з З. Л. Яцкевічам).
• Крыніцы па генеалогіі шляхты Пінскага павета ВКЛ XVI‑пач. XX стст. // Герольд Litherland. 2006. № 17. С. 7‑23.
• Архіў Полацкага дамініканскага кляштара ў сярэдзіне ХІХ ст. // Архіварыус: зб. навук. паведамл. і арт. Вып. 5. Мн.: НГАБ, 2007. С. 8–14.
• Судовыя пратаколы рыма-каталіцкіх кансісторый Беларусі як крыніцы па справаводству канца XVIII–пачатку ХХ стагоддзя // Архівы і справаводства. 2007. № 6. С. 111–115 (у сааўтарстве з З. Л. Яцкевічам).