Зіновій Кірылавіч Прыгодзіч

Зіновій Кірылавіч Прыгодзіч (нар. 15 кастрычніка 1944, в. Лышча, Пінскі раён) — беларускі журналіст і літаратар.

Зіновій Кірылавіч Прыгодзіч
Асабістыя звесткі
Дата нараджэння	15 кастрычніка 1944(1944-10-15) (80 гадоў)
Месца нараджэння	Лышча, Забаравецкі сельсавет, Лагішынскі раён, Пінская вобласць, Беларуская ССР, СССР
Альма-матар	факультэт журналістыкі БДУ Расійская акадэмія дзяржаўнай службы
Месца працы	Звязда Цэнтральны камітэт КПБ Мінская вышэйшая партыйная школа СБ. Беларусь сегодня Гаспадыня БДУ
Прафесійная дзейнасць
Род дзейнасці	пісьменнік
Грамадская дзейнасць
Член у	Саюз беларускіх пісьменнікаў Саюз пісьменнікаў Беларусі
Прэміі	Нацыянальная літаратурная прэмія

У Вікіпедыі ёсць артыкулы пра іншых людзей з прозвішчам Прыгодзіч.

Біяграфія

Пасля заканчэння Лышчанскай сярэдняй школы ў 1960 годзе супрацоўнічаў з Лагішынскай раённай газетай «Калгасная праўда» (1960—1962), працаваў карэспандэнтам-арганізатарам мясцовага радыёвяшчання. Пасля заканчэння факультэта журналістыкі БДУ ў 1967 годзе быў накіраваны на работу ў газету «Звязда» літсупрацоўнікам, працаваў загадчыкам аддзела.

З 1977 года пачаў партыйную кар’еру: інструктар аддзела культуры ЦК КПБ, памочнік сакратара (1978—1981), працаваў у апараце ЦК КПБ. Работу спалучаў з вучобай у аспірантуры Акадэміі грамадскіх навук пры ЦК КПСС (1981—1984). Вынікам вучобы стала абарона кандыдацкай дысертацыі «Партийное руководство художественной культурой на этапе зрелого социализма» (1984). Пасля працаваў у апараце ЦК КПБ, а з 1984 года — загадчык кафедры журналістыкі, мовы і літаратуры Мінскай ВПШ.

Са студзеня 1989 года — намеснік загадчыка ідэалагічнага аддзела ЦК КПБ і рэдактар газеты «Советская Белоруссия», з 1992 года — галоўны рэдактар часопісу «Гаспадыня». У 1996—1999 гадах — першы намеснік старшыні Дзяржкамдруку Беларусі. Адначасова з 2000 года працаваў у Беларускім дзяржаўным універсітэце.

Творчасьць

Друкавацца пачаў у 1957 годзе. Першае апавяданне на рускай мове «Деньги» было апублікавана ў пінскай раённай газеце «Полесская правда» (1963). Піша на беларускай і рускай мовах вершы і апавяданні, нарысы, дакументальныя аповесці, навелы, лірычныя мініяцюры, крытычныя артыкулы, дзе аналізуюцца пытанні развіцця сучаснай беларускай літаратуры.

З 1986 года сябра Саюзу беларускіх пісьменнікаў, пасля 2005 года перайшоў у прадзяржаўны Саюз пісьменнікаў Беларусі.

Кнігі

• 1968 — «На палях рэспублікі»
• 1974 — «Добры дзень, сад!»
• 1976 — «На сельских просторах»
• 1976 — «Строгая доброта»
• 1977 — «Крылы дужэюць у палёце»
• 1979 — «Жменя зярнят»
• 1984 — «Журавы на далёкай пойме»
• 1986 — «Ноч перад нядзеляю»