Пінская вобласць

Пінская вобласць — адміністрацыйная адзінка ў складзе БССР з 1939 па 1954 гг. Утвораная ўказам Прэзідыума Вярхоўнага Савета СССР ад 4 снежня 1939 года, пасля ўз’яднання Заходняй і Усходняй Беларусі ў лістападзе 1939 году. Абласным цэнтрам стаў горад Пінск.

Пінская вобласць
Пiнская вобласць
Краіна	СССР
Уваходзіць у	Беларуская ССР
Адміністрацыйны цэнтр	Пінск
Дата ўтварэння	4 снежня 1939
Дата скасавання	8 студзеня 1954
Насельніцтва (1941)	533,6 тысяч чалавек [1]
Плошча	16,3 тысяч

Гісторыя

У склад новастворанай Пінскай вобласці ўвайшлі Пінскі, Драгічынскі, Косаўскі, Лунінецкі і Столінскі паветы. 15 студзеня 1940 года паветы як адміністрацыйна-тэрытарыяльная адзінка былі ліквідаваныя пастановай Прэзідыума Вярхоўнага Савету БССР. 5 ліквідаваных паветаў рэструктурызавалі ў 11 раёнаў: Ганцавіцкі, Давыд-Гарадоцкі, Драгічынскі, Жабчыцкі, Іванаўскі, Лагішынскі, Ленінскі, Лунінецкі, Пінскі, Столінскі і Целяханскі^[2][3].

Выдавалася абласная газета «Палеская праўда», 11 раённых і 12 палітаддзельных газет^[1].

8 студзеня 1954 года вобласць была ліквідаваная і раёны перададзеныя ў Брэсцкую вобласць.

Кіраўніцтва

Старшынямі выканаўчага камітэта Пінскага абласнога савета былі:

• Аўксенцій Малахавіч Мінчанка (1939—1940)
• Іван Іванавіч Шараў (1940—1941)
• Аляксей Яўхімавіч Кляшчоў (1943—?)^[4]
• Сцяпан Іванавіч Красоўскі (1944—1946)
• Іван Захаравіч Сцяпанаў (1946—1948)
• Міхаіл Кузьміч Ільінкоўскі (1948—?)
• Аляксандр Васілевіч Шуёнак (1951—1952)

Зноскі

1. Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9.
2. Указ Президиума Верховного Совета Белорусской ССР от 15 января 1940 г. Об образовании районов в Барановичской, Белостокской, Брестской, Вилейской и Пинской областях Белорусской ССР // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
3. http://karta.brestobl.com/16pinsk/128.html
4. Пастанова Бюро ЦК КП(б)Б № 168/9