Зінаіда Мікалаеўна Леўчанка

Зінаіда Мікалаеўна Ле́ўчанка (3 сакавіка 1925, г. Новачаркаск — 16 мая 1980) — беларускі архітэктар. Заслужаны архітэктар БССР (1971).

Зінаіда Мікалаеўна Леўчанка
Дата нараджэння	3 сакавіка 1925(1925-03-03)
Месца нараджэння	Новачаркаск, Данская акруга[d], Паўночна-Каўказскі край, РСФСР, СССР
Дата смерці	16 мая 1980(1980-05-16) (55 гадоў)
Грамадзянства	Беларуская ССР
Альма-матар	Харкаўскі нацыянальны ўніверсітэт будаўніцтва і архітэктуры
Месца працы	Брэстграмадзянпраект
Член у	Саюз архітэктараў СССР Беларускі саюз архітэктараў
Узнагароды

У Вікіпедыі ёсць артыкулы пра іншых людзей з прозвішчам Леўчанка.

Біяграфія

Нарадзілася 3 сакавіка 1925 г. у г. Новачаркаску Растоўскай вобласці (РСФСР) у сям’і служачага. Удзельніца Вялікай Айчыннай вайны. З чэрвеня 1942 г. працавала ў прыфрантавых авіярамонтных майстэрнях^[1].

Скончыла ў 1949 годзе Харкаўскі інжынерна-будаўнічы інстытут^[2]. Працавала ў Валгаградзе^[1], з 1951 па 1974^[3] г. — архітэктарам у Брэсцкім філіяле Белдзяржпраекта, галоўным архітэктарам майстэрні^[3], да 1980^[3] г. галоўным спецыялістам-архітэктарам тэхаддзела ў Брэстграмадзянпраекце^[2].

Член Саюза архітэктараў СССР з 1963 года.

Творчасць

Галоўны кірунак творчасці — архітэктура жылых і грамадскіх будынкаў. Асноўныя работы ў Брэсце: жылы дом на плошчы імя Леніна (1959), кафэ «Маладзёжнае»^[1] па вул. Савецкай (1960), дом будаўнічых арганізацый (1966), гасцініца «Беларусь» (1971)^[4], комплекс Брэсцкага інжынерна-будаўнічага інстытута, эксперыментальная сярэдняя школа № 10 з архітэктурна-мастакім ухілам^[1] па вул. Маскоўскай (1979, абодва ў сааўтарстве)^[2], забудовы вул. Набярэжнай, адміністрацыйнага будынка трэста № 8 Мінпрамбуда БССР, гандлёвага цэнтра мікрараёна «Усход»^[3], праект размяшчэння жылога і культурна-бытавога будаўніцтва (1959—1965), праект дэталёвай планіроўкі Паўднёвага жылога раёна (1962)^[2].

Узнагароды

Узнагароджана медалямі: «За абарону Каўказа», «За Перамогу над Германіяй», «За працоўную адзнаку», «За доблесную працу. У адзначэнне 100-годдзя з дня нараджэння У. І. Леніна»^[1].

Зноскі

1. Левченко Зинаида Николаевна (1925, Расія – 1980)
2. Леўчанка Зінаіда Мікалаеўна // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
3. Левченко Зинаида Николаевна // Белорусский государственный проектный институт «Белгоспроект» : [1933―1983] / Государственный комитет по строительству и архитектуре Совета Министров Белорусской ССР (Госстрой БССР) ; [составители: Г. И. Лиопо и др.]. — Минск: Полымя, 1983. — 142 с. — 2 500 экз.
4. Брест : Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1987. — 408 с.