Казка (фільм)

У паняцця ёсць і іншыя значэнні, гл. Казка (значэнні).

«Казка» (руск.: Сказка) — эксперыментальны мастацкі фільм 2022 года расійскага рэжысёра Аляксандра Сакурава.

Казка
Рэжысёр	Аляксандр Мікалаевіч Сакураў[1]
Сцэнарыст	Аляксандр Мікалаевіч Сакураў
Працягласць	78 хв.[1][2]
Краіны	Расія[1]  Бельгія[1]
Мовы	руская[1], англійская, нямецкая, італьянская мова, грузінская мова, іўрыт і французская
Год	6 жніўня 2022 і 10 мая 2023[1]
IMDb	ID 21227108
Афіцыйны сайт

Сюжэт

Дзеянне фільма адбываецца пасля Другой сусветнай вайны ў замагільным свеце. Палітычныя правадыры — Сталін, Чэрчыль, Гітлер і Мусаліні — збіраюцца ля нябеснай брамы, але Голас з таго боку толькі паўтарае, што яшчэ не зараз. Чакаючы дазволу ўвайсці, яны вядуць між сабой размовы пра камунізм, атэізм, імперскія амбіцыі, масавыя рэпрэсіі. Яны ўспамінаюць і свае палітычныя дзеі, і асабістае жыццё. Чэрчыль усё перажывае за каралеву, Гітлер шкадуе, што не ажаніўся з пляменніцай Вагнера, Мусаліні ўзгадвае, як займаўся ў той жа аўстрыйскай бібліятэцы, што і Ленін. І канешне ж, вялікія палкаводцы шкадуюць аб няспоўненых імперскіх амбіцыях. Гітлер бядуе, што ў свой час не спаліў Лондан і Парыж. Ён пытаецца ў Сталіна, чаму яны своечасова не падзялілі свет? А той адказвае, што яму не патрэбна палова свету – толькі цэлы. Правадыры ўзбіраюцца на трыбуну, каб прыняць парад, у якім удзельнічае незлічоны паток мерцвякоў. А тым часам нябесныя брамы застаюцца зачыненымі.

Акцёрскі склад

• Ігар Громаў — Найвышэйшая сіла (голас)
• Вахтанг Кучава — Сталін (голас)
• Лотар Дэег і Цім Этэльт — Гітлер (голас)
• Фабіё Мастранджэла — Мусаліні (голас)
• Аляксандр Сагабашы і Майкл Гібсан — Чэрчыль (голас)
• Паскаль Сліванскі — Напалеон (голас)