Казловіцкі сельсавет (Калінкавіцкі раён)

У паняцця ёсць і іншыя значэнні, гл. Казловіцкі сельсавет.

Казло́віцкі сельсавет — адміністрацыйна-тэрытарыяльная адзінка ў складзе Калінкавіцкага раёна Гомельскай вобласці. Цэнтр — аграгарадок Казловічы.

Казловіцкі сельсавет
Краіна	Беларусь
Уваходзіць у	Калінкавіцкі раён
Уключае	4 населеныя пункты
Адміністрацыйны цэнтр	Казловічы
Дата ўтварэння	21 кастрычніка 1968
Насельніцтва (2019)	737
Часавы пояс	UTC+03:00
Код аўтам. нумароў	3

Утвораны 21 кастрычніка 1968 года ў Калінкавіцкім раёне Гомельскай вобласці БССР у складзе 3 населеных пунктаў — вёсак Казанск, Казловічы і Кошчычы, якія ўваходзілі адпаведна ў склад Хаміцкага, Навасёлкаўскага і Даманавіцкага сельсаветаў^[1]. 8 студзеня 1992 года ў склад сельсавета з адміністрацыйнага падпарадкавання Азарыцкага пассавета перададзена вёска Цідаў.

Насельніцтва сельсавета паводле перапісу 2009 года — 942 чалавекі^[2], з іх 95,8 % — беларусы, 3,1 % — рускія, 0,6 % — украінцы^[3]; паводле перапісу 2019 года — 737 чалавек^[4].

Зноскі

1. Рашэнне выканкома Гомельскага абласнога Савета дэпутатаў працоўных ад 21 кастрычніка 1968 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1969, № 1 (1231).
2. Колькасць насельніцтва населеных пунктаў Гомельскай вобласці Беларусі паводле перапісу 2009 года
3. Этнічны склад насельніцтва сельсаветаў Беларусі паводле перапісу 2009 года
4. Колькасць насельніцтва населеных пунктаў Гомельскай вобласці Беларусі паводле перапісу 2019 года