Калдычэўскае

Калдычэўскае возера — возера ў Беларусі, у Баранавіцкім раёне Брэсцкай вобласці плошчаю 49 га.

Возера Калдычэўскае з вышыні палёту

Калдычэўскае возера
Морфаметрыя
Вышыня над узроўнем мора	180 м[1]
Плошча	49,0 га км²
Размяшчэнне
Краіна	Беларусь
Калдычэўскае возера

З Калдычэўскага возера некалі брала пачатак рака Шчара. Але пасля меліярацыі возера змялела і Шчара пачынае сваю плынь з асушальных каналаў на тэрыторыі былога Карыцінскага балота. Меліярацыя з 1976 года значна скараціла плошчу і глыбіню возера.^[2].

Некалі возера разлівалася паміж вёскамі Калдычэва, Медзяневічы, Войкавічы, Арабаўшчына. Цяпер знаходзіцца каля вёскі Арабаўшчына, відаць з дарогі Р5 Баранавічы-Наваградак. У 16 км ад Баранавічаў.

Падзеі на возеры апісаў Ян Чачот у паэме «Калдычэўскі шчупак». Паводле легенды пан Незабытоўскі выпусціў некалькіх акальцаваных шчупакоў у возера Свіцязь. Тыя кольцы былі падпісаны, што калі нехта зловіць тую рыбу павінен паведаміць пра тое Незабытоўскага. І аднаго са Шчупакоў сяляне вылавілі ў Калдычэўскім возеры. З чаго паўстала паданне пра падземную раку паміж азёрамі.

Пад час І Сусветнай вайны каля возера праходзіла лінія фронту. Адбывалася Скробава-Гарадзішчанская аперацыя.

Зноскі

1. GeoNames — 2005. Праверана 9 ліпеня 2017.

   <a href='https://wikidata.org/wiki/Track:Q830106'></a>
2. Гісторыка (нявызн.)(недаступная спасылка). Архівавана з першакрыніцы 17 сакавіка 2010. Праверана 8 жніўня 2010.