Калодзішчанскі сельсавет

Кало́дзішчанскі сельсавет — адміністрацыйна-тэрытарыяльная адзінка ў складзе Мінскага раёна Мінскай вобласці Беларусі. Цэнтр — аграгарадок (да 2011 года пасёлак) Калодзішчы.

Калодзішчанскі сельсавет
Краіна	Беларусь
Уваходзіць у	Мінскі раён
Уключае	8 населеных пунктаў
Адміністрацыйны цэнтр	Калодзішчы
Дата ўтварэння	20 жніўня 1924
Насельніцтва (2019)	24 112
Часавы пояс	UTC+03:00
Тэлефонны код	17
Код аўтам. нумароў	5
Афіцыйны сайт

Гісторыя

Утвораны 20 жніўня 1924 года ў складзе Астрашыцка-Гарадоцкага раёна Мінскай акругі БССР. Пасля скасавання акруговай сістэмы 26 ліпеня 1930 года ў Астрашыцка-Гарадоцкім раёне БССР. З 18 студзеня 1931 года сельсавет у межах гарадской рысы горада Мінска, з 26 мая 1935 года ў складзе Мінскага раёна БССР, з 20 лютага 1938 года — Мінскай вобласці. 9 жніўня 1979 года ў склад новаўтворанага Бараўлянскага сельсавета перададзены 4 населеныя пункты: вёскі Жукаў Луг, Каралёў Стан, Скураты і Слабашчына^[1].

Склад

У склад сельсавета ўваходзяць 5 вёсак, 2 пасёлкі і аграгарадок Калодзішчы.

Насельніцтва

• 2019 год — 21 184 чалавекі
• 2018 год — 20 984 чалавекі
• 2011 год — 13 891 чалавек
• 2009 год (перапіс) — 14 556 чалавек^[2], з іх 81,3 % — беларусы, 13,1 % — рускія, 2,2 % — украінцы, 0,9 % — цыганы, 0,8 % — палякі^[3]
• 2019 (перапіс) — 24 112 чалавек^[4]

Зноскі

1. Рашэнне выканкома Мінскага абласнога Савета народных дэпутатаў ад 9 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).
2. Колькасць насельніцтва населеных пунктаў Мінскай вобласці Беларусі паводле перапісу 2009 года
3. Этнічны склад насельніцтва сельсаветаў Беларусі паводле перапісу 2009 года
4. Колькасць насельніцтва населеных пунктаў Мінскай вобласці Беларусі паводле перапісу 2019 года