Кало Турэ

У Вікіпедыі ёсць артыкулы пра іншых людзей з прозвішчам Турэ.

Кало Абіб Турэ (фр.: Kolo Abib Toure; нар. 19 сакавіка 1981, Буаке, Кот-д’Івуар) — івуарыйскі футбаліст (абаронца) і трэнер. Ігрок нацыянальнуай зборнай Кот-д’Івуара (2000—2015). У цяперашні час працуе галоўным трэнерам англійскага клуба «Уіган Атлетык».

Кало Турэ
Агульная інфармацыя
Поўнае імя	Кало Абіб Турэ
Мянушка	Скала, Кароль Кало Турэ
Нарадзіўся	19 сакавіка 1981(1981-03-19)[1][2][…] (44 гады) Буаке, дэпартамент Буаке[d], рэгіён Гбеке[d], акруга Вале-дзю-Бандама[d], Кот-д’Івуар[3]
Грамадзянства	Кот-д’Івуар
Рост	183 см
Вага	82 кг
Пазіцыя	цэнтральны абаронца
Інфармацыя пра клуб
Клуб	Уіган Атлетык
Пасада	галоўны трэнер
Клубная кар’ера[* 1]
2000—2002 АСЕК Мімозас 23 (6) 2002—2009 Арсенал (Лондан) 225 (9) 2009—2013 Манчэстэр Сіці 82 (2) 2013—2016 Ліверпул 46 (1) 2016—2017 Сэлтык 9 (0)
Нацыянальная зборная[* 2]
2000—2015 Кот-д’Івуар 118 (7)
Трэнерская кар’ера
2017—2019 Сэлтык трэнер 2017—2019 Кот-д’Івуар трэнер 2019—2022 Лестэр Сіці трэнер 2022— Уіган Атлетык
Узнагароды і медалі
Кубкі афрыканскіх нацый Срэбра Егіпет 2006 Срэбра Габон/Экватарыяльная Гвінея 2012 Золата Экватарыяльная Гвінея 2015
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 лістапада 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 25 ліпеня 2016
Медыяфайлы на Вікісховішчы[4]

Клубная кар’ера

У лонданскі «Арсенал» прыйшоў у 2002 годзе з клуба «АСЕК Мімозас» (Абіджан). У Лондане стаў асноўным цэнтральным абаронцам каманды і адным з наймоцнейшых у англійскай Прэм’ер-лізе. Пасля «Арсенала» гуляў за «Манчэстэр Сіці» і «Ліверпул», апошні клуб пакінуў улетку 2016 года ў якасці свабоднага агента. У ліпені 2016 года падпісаў кантракт з шатландскім «Сэлтыкам»^[5]. Пакінуў «Сэлтык» па заканчэнні сезона 2016/17 і завяршыў прафесійную кар’еру.

Міжнародная кар’ера

У зборнай Кот-д’Івуара дэбютаваў у 2000 годзе. Гуляў за зборную на сямі Кубках афрыканскіх нацый і трох чэмпіянатах свету. У 2015 годзе атрымаў перамогу ў Кубках афрыканскіх нацый, пасля чаго завяршыў кар’еру ў зборнай. Усяго згуляў 118 матчаў, забіў 7 галоў.

Трэнерская кар’ера

У верасні 2017 года далучыўся да трэнерскага штаба «Сэлтыка», а ў кастрычніку стаў асістэнтам галоўнага трэнера зборнай Кот-д’Івуара Марка Вільматса^[6]. У лютым 2019 года галоўны трэнер «Сэлтыка» Брэндан Роджэрс узначаліў «Лестэр Сіці» і забраў да сябе Турэ асістэнтам.

У лістападзе 2022 года Турэ быў прызначаны галоўным трэнерам клуба «Уіган Атлетык»^[7].

Сям’я

У Кало ёсць 2 малодшыя браты-футбалісты: Яя (паўабаронца, ігрок зборнай Кот-д’Івуара) і Ібрагім (нападнік). Жанаты, двое дзяцей.