Каліна Віктараўна Капуцкая

У Вікіпедыі ёсць артыкулы пра іншых людзей з прозвішчам Капуцкая.

Каліна Віктараўна Капуцкая (нар. 16 лютага 1975, Слуцк) — беларуская педагог і дэпутатка.

Каліна Віктараўна Капуцкая

Біяграфія

Нарадзілася 16 лютага 1975 года ў горадзе Слуцку Мінскай вобласці^[1].

Скончыла Салігорскае педагагічнае вучылішча, Беларускі дзяржаўны педагагічны ўніверсітэт імя М. Танка, Рэспубліканскі інстытут вышэйшай школы^[1].

Працавала выхавальніцай групы падоўжанага дня, педагогам-арганізатарам СШ № 11 г. Слуцка; настаўніцай гісторыі сярэдняй школы № 1 імя Янкі Купалы г. Маладзечна; дырэктаркай сярэдняй школы № 9 г. Маладзечна^[1]. Дырэктарка сярэдняй школы № 14 г. Маладзечна^[1].

Дэпутатка Маладзечанскага раённага Савета дэпутатаў 27-га склікання^[1].

Была членам Савета Рэспублікі Нацыянальнага сходу Беларусі 7-га склікання^[1].

Узнагароды

Узнагароджана ганаровай граматай Міжпарламенцкай Асамблеі дзяржаў — удзельніц СНД, граматай Міністэрства адукацыі, ганаровымі граматамі ўпраўлення адукацыі Мінскага аблвыканкама, Маладзечанскага райсавета, РГА «Белая Русь», ЦК прафсаюза работнікаў адукацыі і навукі; адзначана падзякамі старшыні Мінскага аблвыканкама і начальніка ўпраўлення адукацыі аблвыканкама^[1].