Камемарацыйная марка

Камемарацыйная ма́рка ці камемаратыў (ад фр.: comme — як і фр.: memoria — памяць), таксама па́мятная ма́рка, юбіле́йная ма́рка^[1], — памятная паштовая марка, якую выпускаюць у памяць падзеі, знамянальнай даты ці юбілею выбітнай асобы.

Камемарацыйная марка Фарэрскіх астравоў (1998), прысвечаная Году правоў чалавека

Апісанне

Памятныя (юбілейныя, камемарацыйныя) маркі^[1][2] прысвечаны тым ці іншым падзеям і ўшаноўваюць вядомых людзей. Яны ўваходзяць у групу маркі агульнага карыстання^[2].

У адрозненне ад стандартных марак, у асаблівасці класічнага перыяду, з іх, як правіла, аднастайным афармленнем і строгай кампазіцыяй, камемарацыйныя маркі з’яўляюцца мастацкай мініяцюрай, якая адлюстроўвае падзею, у гонар якой яна надрукавана.