Стандартная марка

Станда́ртная ма́рка (або дэфінітыў) — паштовая марка звычайнага выпуску, якая з’яўляецца часткай стандартнага выпуску ці стандартнай серыі^[1], якія ахопліваюць шкалу наміналаў, дастатковую для пакрыцця ўсіх паштовых тарыфаў, і выпускаюцца масавым тыражом для працяглага паўсядзённага выкарыстання^[1][2]. Стандартныя маркі супрацьпастаўляюцца камемаратыўным (памятным) маркам, што выпускаюцца па пэўных падставах^[1]. Стандартным выпускам, як правіла, называецца набор марак, пускаць у продаж адначасова, тады як стандартная серыя эмітуецца на працягу шэрагу гадоў, але гэтыя тэрміны расплывістыя.

Стандартная марка пошты СССР (1982)

Апісанне

Стандартныя маркі адносяцца да марак агульнага карыстання і ўжываюцца на самых розных відах паштовай карэспандэнцыі^[3]. Яны друкуюцца вельмі вялікімі накладамі, і іх дызайн часта застаецца дзесяцігоддзямі нязменным^[2][3].