Каменналаўскі сельсавет

Каменнала́ўскі сельсавет — адміністрацыйна-тэрытарыяльная адзінка ў складзе Шклоўскага раёна Магілёўскай вобласці Беларусі. Цэнтр — вёска Каменныя Лавы.

Каменналаўскі сельсавет
Краіна	Беларусь
Уваходзіць у	Шклоўскі раён
Уключае	27 населеных пунктаў
Адміністрацыйны цэнтр	Каменныя Лавы
Дата ўтварэння	20 жніўня 1924
Насельніцтва (2019)	1 210
Часавы пояс	UTC+03:00
Код аўтам. нумароў	6

Гісторыя

Утвораны 20 жніўня 1924 года ў складзе Шклоўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Шклоўскім раёне БССР. З 20 лютага 1938 года ў складзе Магілёўскай вобласці. 11 сакавіка 1960 года да сельсавета далучана тэрыторыя скасаваных Высокаўскага і Старавадвянскага сельсаветаў, у склад Рыжкавіцкага сельсавета перададзены 3 населеныя пункты (Ганцавічы, Лопавічы і Папоўцы)^[1]. У сакавіку 1977 года скасавана вёска Васілеўка^[2].

Насельніцтва

Насельніцтва сельсавета паводле перапісу 2009 года — 1606 чалавек^[3], з іх 93,7 % — беларусы, 4,8 % — рускія, 0,8 % — украінцы^[4]; паводле перапісу 2019 года — 1210 чалавек^[5].