Стайкаўскі сельсавет (Аршанскі раён)

У паняцця ёсць і іншыя значэнні, гл. Стайкаўскі сельсавет.

Ста́йкаўскі сельсавет — былая адміністрацыйна-тэрытарыяльная адзінка ў складзе Аршанскага раёна Віцебскай вобласці Беларусі. Адміністрацыйны цэнтр — вёска Стайкі.

Стайкаўскі сельсавет
Краіна	Беларусь
Уваходзіць у	Аршанскі раён
Уключае	14 населеных пунктаў
Адміністрацыйны цэнтр	Стайкі
Дата ўтварэння	20 жніўня 1924
Дата скасавання	8 красавіка 2004
Насельніцтва	1 228 чал. (1999)
Часавы пояс	UTC+03:00

Утвораны 20 жніўня 1924 года як Каменскі сельсавет у складзе Багушэўскага раёна Аршанскай акругі БССР. Цэнтр — вёска Каменка. 24 верасня 1926 года цэнтр сельсавета перанесены ў вёску Стайкі, сельсавет перайменаваны ў Стайкаўскі. Пасля скасавання акруговай сістэмы 26 ліпеня 1930 года ў Багушэўскім раёне БССР. З 8 ліпеня 1931 года сельсавет у складзе Аршанскага раёна, з 12 лютага 1935 года — у складзе адноўленага Багушэўскага раёна БССР, з 20 лютага 1938 года — Віцебскай вобласці. З 20 студзеня 1960 года сельсавет у складзе Аршанскага раёна^[1]. На 1 студзеня 1974 года ў складзе Стайкаўскага сельсавета 16 населеных пунктаў^[2]. 8 красавіка 2004 года сельсавет скасаваны, тэрыторыя далучана да Клюкаўскага (3 населеныя пункты: вёскі Чарняўскія, Сармацк і Слабада) і Межаўскага (11 сельскіх населеных пунктаў у межах сельскагаспадарчага вытворчага кааператыва «Світанак-Орша»: вёскі Аланцьева, Дубніцы, Каменка, Канавалава, Лужкі, станцыя Лужкі, Ляснічыя, Монькава, Свістуны, Стайкі і Стапурэва) сельсаветаў^[3].

На момант скасавання ў склад сельсавета ўваходзілі 14 населеных пунктаў.