Кампала

Кампала (англ.: Kampala) — сталіца і найбуйнейшы горад Уганды. Адміністрацыйны цэнтр Цэнтральнай вобласці і аднайменнай акругі. Знаходзіцца каля паўночнага ўзбярэжжа возера Вікторыя. Насельніцтва складае 1 420 200 чалавек (2008). Вузел чыгунак і аўтадарог. Міжнародны аэрапорт.

Горад Кампала Kampala Краіна  Уганда Каардынаты 0°18′ пн. ш. 32°38′ у. д.HGЯO Кіраўнік Erias Lukwago[d] Плошча 189 000 000 м² Вышыня цэнтра 1155 м Водныя аб’екты Возера Вікторыя Насельніцтва ▲1 797 722 чал. (2024)[1] Часавы пояс UTC+3, летам UTC+4 Тэлефонны код (+256) 041 Афіцыйны сайт kcca.go.ug (англ.) Кампала на карце Уганды

Медыяфайлы на Вікісховішчы

Гісторыя

Заснаваны ў 1890 годзе англічанамі як крэпасць на ўзгорку Кампала (на мове луганда імпала — антылопа) каля ўзгорка Менга, дзе знаходзілася старажытная сталіца Уганды Менга. Развівалася як гандлёвы цэнтр. З 1906 года мела гарадскі, з 1949 года муніцыпальны статус. Пасля абвяшчэння незалежнасці Уганды (1962) сталіца дзяржавы.

Прамысловасць

Харчасмакавая, фармацэўтычная, гарбарна-абутковая, метала- і дрэваапрацоўчая, тэкстыльная, аўтарэмонтныя майстэрні.

Адукацыя і культура

Універсітэт Макерэрэ. Музей Уганды (унікальная калекцыя афрыканскіх музычных інструментаў). Цэнтр археалагічных даследаванняў.