Камсамольская вуліца (Наваполацк)

У паняцця ёсць і іншыя значэнні, гл. Камсамольская вуліца.

Камсамольская вуліца (трансліт.: Kamsamoĺskaja vulica, руск.: Комсомольская улица) — вуліца ў Наваполацку.

Камсамольская вуліца Наваполацк
Агульная інфармацыя
Краіна	Беларусь
Горад	Наваполацк
Працягласць	3000 м
Паштовы індэкс	211449
Нумары тэлефонаў	+375214

Апісанне

Размешчана ў 4-м, 6-м і 10-м мікрараёнах горада і цягнецца з паўночнага захаду на паўднёвы ўсход ад вуліцы Калініна да вуліцы Васілеўцы, пасля якой пераходзіць у мясцовую аўтадарогу, якая спалучае Наваполацк з рэспубліканскай аўтадарогай Р-45 Полацк - Глыбокае - граніца Літвы (Катлоўка). Працягласць вуліцы складае больш 3 км. Забудова тыповая, пераважна панэльная, у 5-9 паверхаў (адзіны 12-павярховы будынак на вуліцы - інтэрнат № 4 ПДУ). Шматкватэрныя жылыя дамы размешчаны толькі па паўноным (няцотным) боку вуліцы, бо ад паўднёвага боку вуліцы пачынаецца санітарная зона завода "Палімір", дзе жыллёвае будаўніцтва забаронена. Па вуліцы пракладзены трамвайныя рэйкі і курсуе трамвайны маршрут № 1.

Сацыяльныя аб’екты

• інтэрнат № 4 ПДУ
• царква Царства Божага (евангельскія хрысціяне)
• магазіны
• хлебзавод

Гл. таксама

• Спіс вуліц Наваполацка

Зноскі