Камсамольскі сельсавет (Капыльскі раён)

У паняцця ёсць і іншыя значэнні, гл. Камсамольскі сельсавет.

Камсамо́льскі сельсавет — былая адміністрацыйна-тэрытарыяльная адзінка ў складзе Капыльскага раёна Мінскай вобласці Беларусі. Цэнтр — вёска Камсамольская.

Камсамольскі сельсавет
Краіна	Беларусь
Уваходзіць у	Капыльскі раён
Уключае	16 населеных пунктаў
Адміністрацыйны цэнтр	Камсамольская
Дата ўтварэння	16 студзеня 1969
Дата скасавання	28 мая 2013
Насельніцтва (2009)	1 318
Часавы пояс	UTC+03:00
Код аўтам. нумароў	5

Утвораны 16 студзеня 1969 года ў Капыльскім раёне Мінскай вобласці БССР з цэнтрам у вёсцы Камсамольская ў складзе 18 населеных пунктаў (вёскі Асавец, Аснікі, Баркаўцы, Дзянісава, Дунаева, Калюга, Камень, Камсамольская, Кандратавічы, Карачоўшчына, Кісялі, Падлужжа, Пятрылава, Рэпная Града, Сунаі, Труханавічы, Хвойнікі і пасёлак Пукава), якія ўваходзілі ў склад Грозаўскага сельсавета^[1]. У 1976 годзе скасаваны пасёлкі Аснікі і Дзянісава^[2]. 28 мая 2013 года сельсавет скасаваны, яго тэрыторыя далучана да Грозаўскага сельсавета^[3].

Станам на 1 студзеня 2008 года ў сельсавеце налічвалася 710 гаспадарак, 1481 жыхар, станам на 1 студзеня 2009 г. — 686 гаспадарак, 1438 жыхароў. На момант скасавання ў склад сельсавета ўваходзілі 16 населеных пунктаў: вёскі Асавец, Баркаўцы, Дунаева, Калюга, Камень, Камсамольская, Кандратавічы, Карачоўшчына, Падлужжа, Пятрылава, Сунаі, Труханавічы, пасёлкі Кісялі, Пукава, Рэпная Града, Хвойнікі.

Насельніцтва сельсавета паводле перапісу 2009 года складала 1318 чалавек^[4], з іх 92,0 % — беларусы, 5,8 % — рускія, 1,4 % — украінцы^[5].

Зноскі

1. Рашэнне выканкома Мінскага абласнога Савета дэпутатаў працоўных ад 16 студзеня 1969 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1969, № 9 (1239).
2. Рашэнні выканкома Мінскага абласнога Савета дэпутатаў працоўных ад 31 сакавіка, 7 і 29 красавіка 1976 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1976, № 17 (1499).
3. Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 19 верасня 2020.
4. Колькасць насельніцтва населеных пунктаў Мінскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года