Канстанцін Іванавіч Бахановіч

Канстанцін Іванавіч Бахановіч (22 чэрвеня 1931, в. Баравуха, Барысаўскі раён, Менская акруга — 27 снежня 2007) — беларускі ўрач-гігіеніст, арганізатар аховы здароўя. Заслужаны ўрач БССР (1976)^[2].

Канстанцін Іванавіч Бахановіч
Дата нараджэння	22 чэрвеня 1931(1931-06-22)
Месца нараджэння	Баравуха, Траянаўскі сельсавет, Халопеніцкі раён, Беларуская ССР, СССР
Дата смерці	27 снежня 2007(2007-12-27)[1] (76 гадоў)
Род дзейнасці	урач, гігіеніст, медыцынскі адміністратар, галоўны ўрач
Альма-матар	Мінскі медыцынскі інстытут (1957)
Узнагароды

У Вікіпедыі ёсць артыкулы пра іншых людзей з прозвішчам Бахановіч.

Біяграфія

Нарадзіўся 22 чэрвеня 1931 года ў в. Баравуха Барысаўскага раёна Мінскай акругі.

У 1957 годзе скончыў Мінскі дзяржаўны медыцынскі інстытут^[2].

Урач Магілёўскай гарадской станцыі хуткай медыцынскай дапамогі, начальнік штаба медыцынскай службы грамадзянскай абароны Магілёўскага гарадскога аддзела аховы здароўя (1957—1960), галоўны ўрач Магілёўскай гарадской санэпідстанцыі (1960—1962), галоўны ўрач паліклінікі № 2 г. Магілёва (1962), загадчык Магілёўскага гарздададдзела (1962—1970), галоўны ўрач Магілёўскай абласной бальніцы (1970—1997), загадчык аддзялення (з 1997)^[2].

Памёр 27 снежня 2007 года.

Ушанаванне памяці

У 2011 годзе ў гонар К. І. Бахановіча была ўсталявана мемарыяльная дошка на адміністрацыйным будынку Магілёўскай абласной бальніцы, заснавальнікам і першым галоўным урачом якой ён быў на працягу 27 гадоў^[3].

Зноскі

1. https://bis.nlb.by/by/documents/173330
2. Баханович, Константин Иванович (врач; род. 1931) (руск.)
3. Открытие мемориальной доски в честь К. Бахановича (нявызн.)(недаступная спасылка). Архівавана з першакрыніцы 11 верасня 2020. Праверана 9 верасня 2023.