Канстанцін Канстанцінавіч Шульган

Канстанцін Канстанцінавіч Шульган (нар. г. Бяроза, Брэсцкая вобласць) — беларускі дзяржаўны дзеяч.

Канстанцін Канстанцінавіч Шульган
міністр сувязі і інфарматызацыі Рэспублікі Беларусь[d] 18 жніўня 2018 — 3 сакавіка 2025
Папярэднік	Сяргей Пятровіч Папкоў
Пераемнік	Кірыл Барысавіч Залескі
Нараджэнне	11 ліпеня 1965(1965-07-11) (60 гадоў) Бяроза, Бярозаўскі раён, Брэсцкая вобласць, Беларуская ССР, СССР
Адукацыя	Мінскае вышэйшае інжынернае зенітнае ракетнае вучылішча проціпаветранай абароны (1989)
Месца працы	Аператыўна-аналітычны цэнтр пры Прэзідэнце Рэспублікі Беларусь
Ваенная служба
Званне	Падпалкоўнік
Узнагароды

Біяграфія

У 1989 годзе скончыў Мінскае вышэйшае інжынернае зенітнае ракетнае вучылішча проціпаветранай абароны. З чэрвеня 1989 года па студзень 1995 года праходзіў службу на пасадах інжынера трэцяга аддзела вайсковай часці 51458 і старшага афіцэра чацвёртага аддзела Дзяржаўнага цэнтра бяспекі інфармацыі пры Міністэрстве абароны Беларусі. Затым па чэрвень 2008 года займаў пасады старшага афіцэра, галоўнага спецыяліста, начальніка групы, начальніка аддзела ў структуры Дзяржаўнага цэнтра бяспекі інфармацыі пры Савеце Бяспекі Беларусі. У 2008—2013 гадах праходзіў ваенную службу на афіцэрскіх пасадах у Аператыўна-аналітычным цэнтры пры Прэзідэнце Беларусі. У красавіку 2016 года прызначаны намеснікам начальніка ААЦ.

У жніўні 2018 года прызначаны міністрам сувязі і інфарматызацыі Беларусі.

Унесены ў санкцыйныя спісы краін Балтыі^[1][2] і Канады^[3].

Зноскі

1. Latvia sanctions 101 more Belarus officials
2. The sanctions of the Government of the Republic in view of the situation in Belarus
3. Regulations Amending the Special Economic Measures (Belarus) Regulations (англ.)(недаступная спасылка). Cabinet of Canada (24 чэрвеня 2022). Архівавана з першакрыніцы 29 ліпеня 2022. Праверана 8 жніўня 2022.