Канстанцін Мікалаевіч Сіроцін

Канстанцін Мікалаевіч Сіроцін (нар. 13 верасня 1972, Палавінны Лог) — беларускі інжынер-энергетык і дэпутат.

Канстанцін Мікалаевіч Сіроцін
Нараджэнне	13 верасня 1972(1972-09-13) (53 гады) Палавінны Лог, Магілёўскі раён, Магілёўская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Сіроцін.

Біяграфія

Нарадзіўся 13 верасня 1972 года ў вёсцы Палавінны Лог Магілёўскага раёна Магілёўскай вобласці^[1].

Скончыў Магілёўскі машынабудаўнічы інстытут па спецыяльнасці «Электрапрывод і аўтаматызацыя прамысловых установак і тэхнічных комплексаў», Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве прамысловасці»^[1].

Працоўную дзейнасць пачаў наладчыкам станкоў і маніпулятараў з праграмным кіраваннем 4-га разраду інструментальнага цэха Магілёўскага завода транспартнага машынабудавання «Магілёўтрансмаш»; працаваў старшым майстрам па рамонце і абслугоўванні электраабсталявання прадзільнага цэха, энергетыкам хімічнага цэха вытворчасці тэкстыльнай віскознай ніткі, намеснікам начальніка цэха электразабеспячэння, галоўным энергетыкам Магілёўскага завода штучнага валакна; намеснікам галоўнага энергетыка па электрагаспадарцы і энергазберажэнні «Магілёўхімвалакна»; намеснікам галоўнага інжынера па рамонце і эксплуатацыі гэтага прадпрыемства^[1]. Галоўны інжынер — першы намеснік генеральнага дырэктара «Магілёўхімвалакна»^[1].

Дэлегат VII Усебеларускага народнага сходу^[1].

Член рэспубліканскага грамадскага аб’яднання «Белая Русь», Беларускай партыі «Белая Русь»^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Магілёўскай вобласці (вылучаны ад Хоцімскага, Клімавіцкага, Крычаўскага і Чэрыкаўскага раёнаў)^[1]. Член Пастаяннай камісіі Савета Рэспублікі па міжнародных справах і нацыянальнай бяспецы^[1].

Узнагароды

Узнагароджаны ганаровымі граматамі канцэрна «Белнафтахім», ААТ «Магілёўхімвалакно», Рэспубліканскага камітэта прафсаюза, юбілейным медалём «100 гадоў Беларускаму прафесійнаму саюзу работнікаў хімічнай, горнай і нафтавай прамысловасці».

Мае падзяку старшыні Магілёўскага абласнога выканаўчага камітэта^[1].