Канстанцін Фёдаравіч Усольцаў

Канстанцін Фёдаравіч Усольцаў (2.11.1919 —) — беларускі ўрач-псіхіятр і арганізатар аховы здароўя.

Канстанцін Фёдаравіч Усольцаў
Дата нараджэння	2 лістапада 1919(1919-11-02)
Месца нараджэння	Усольцава[d], Табольскі павет[d], Табольская губерня, РСФСР
Дата смерці	невядома
Грамадзянства	СССР
Род дзейнасці	урач, псіхіятр, медыцынскі адміністратар, галоўны ўрач
Альма-матар	Табольскі медыцынскі каледж імя Валодзі Салдатава[d] Мінскі медыцынскі інстытут (1951)[1]
Узнагароды

У Вікіпедыі ёсць артыкулы пра іншых людзей з прозвішчам Усольцаў.

Біяграфія

Нарадзіўся ў в. Усольцава непадалёк ад Табольска. Скончыў Табольскае медыцынскае вучылішча, пасля заканчэння якога некаторы час працаваў фельчарам у Новасібірскай вобласці^[2].

Восенню 1939 года быў прызваны ў армію і накіраваны ў Свярдлоўскае ваенна-пяхотнае вучылішча. Скончыўшы яго, малады лейтэнант паступіў у распараджэнне Заходняй асобай ваеннай акругі. У яе цэнтры, Мінску, атрымаў прызначэнне ў мотастралковы полк 26-й танкавай дывізіі^[2].

З пачаткам Вялікай Айчыннай вайны трапіў у акружэнне і далучыўся да партызанскага руху. Пасля вызвалення Беларусі ваяваў ва Усходняй Прусіі^[2].

У жніўні 1946 года дэмабілізаваўся. У 1951 годзе скончыў Мінскі медыцынскі інстытут. Да 1960 года працаваў галоўным урачом рэспубліканскай псіхіятрычнай бальніцы ў в. Слабодка Браслаўскага раёна Віцебскай вобласці, а затым — галоўны ўрач Гомельскай абласной псіхіятрычнай бальніцы ў Гомелі^[2].

Узнагароды

• ордэн Чырвонага Сцяга
• ордэн Чырвонай Зоркі
• ордэн Вялікай Айчыннай вайны
• медаль «Партызану Айчыннай вайны» 1-й ступені
• ордэн Працоўнага Чырвонага Сцяга
• Заслужаны ўрач Беларускай ССР (1970)

Зноскі

1. http://med.by/content/znamdate/znamdate2009.pdf
2. Огненные дороги лейтенанта Усольцева Архівавана 11 верасня 2022.