Канцэрт (карціна Вермера)

«Канцэрт» — карціна нідэрландскага жывапісца Яна Вермера, створаная паміж 1663—1666 гадамі. У 1990 годзе карціна была выкрадзена  (англ.) з бостанскага Музея Ізабелы Сцюарт Гарднер і дагэтуль яе месцазнаходжанне не вядома^[1]. Карціна лічыцца самай дарогай з выкрадзеных і зніклых карцін, яе кошт прыкладна ацэньваецца ў 200 мільёнаў долараў^[2].

Ян Вермер
Канцэрт. каля 1663
нідэрл.: Het concert
Матэрыял	Масла
Тэхніка	Палатно
Памеры	72,5 × 64,7 см
выкрадзена з Музея Ізабелы Сцюарт Гарднер
(інв. P21w27)
Медыяфайлы на Вікісховішчы

На карціне намаляваны трое музыкантаў: дзяўчына іграе на клавесіне, мужчына іграе на лютні і яшчэ адна дзяўчына спявае. Клавесін упрыгожаны роспісам з відам Аркадыі. На падлозе ляжыць яшчэ адзін музычны інструмент — віёла да гамба^[3].

На сцяне пакоя, дзе знаходзяцца музыканты, вісяць дзве карціны — «Зводніца»  (англ.) Дырка ван Бабюрэна (таксама яна з'яўляецца на карціне «Дама, што сядзіць за вірджыналем»  (англ.)) і пастаральны пейзаж. Магчыма, карціны могуць раскрыць глыбей адносіны паміж героямі карціны, тыя паглынуты сваёй музыкай, таму іх гісторыю за іх распавядаюць дэталі^[4]. У жывапісе Вермера музычная тэматыка часта перагукваецца з тэмай закаханасці і спакусы (як, напрыклад, на карціне «Перапынены ўрок музыкі»)^[4].

Карціна была прададзена ў 1696 годзе, пасля чаго пра яе не было нічога вядома да 1780 года^[4]. У 1892 годзе на аўкцыёне ў Парыжы яе за 5 тысяч долараў купіла Ізабела Сцюарт Гарднер, з 1903 года твор быў выстаўлены ў заснаваным ёй музеі. 18 сакавіка 1990 года некалькі злодзеяў, перапранутых у паліцэйскую форму, выкралі з музея 13 прац, сярод якіх быў «Канцэрт», пошукі карціны нічога не далі і цяпер пра яе месцазнаходжанне нічога не вядома^[3][5].

Зноскі

1. The $500 Million Gardner Museum Heist: Have You Seen These Paintings? (нявызн.). Time Magazine (18 сакавіка 2013).
2. Stolen Архівавана 21 лютага 2016., Дакументальны фільм пра карціну «Канцэрт», PBS
3. The Concert (англ.). Isabella Stewart Gardner Museum. Праверана 15 кастрычніка 2016.
4. Arthur K. Wheelock Jr.. Critical Assessment: The Concert (англ.). Праверана 15 кастрычніка 2016.
5. ФБР раскрыла найбуйнейшае абрабаванне музея ў гісторыі (нявызн.). Lenta.ru (19 сакавіка 2013). Праверана 15 кастрычніка 2016.