Капліца-пахавальня Сенажацкіх

Капліца-пахавальня Сенажацкіх — капліца на каталіцкіх могілках па вул. Лазарэнкі ў Магілёве. Помнік архітэктуры неакласіцызму.

Славутасць
Капліца-пахавальня Сенажацкіх
53°54′15″ пн. ш. 30°19′06″ у. д.HGЯO
Краіна	Беларусь
Месцазнаходжанне	Магілёў
Канфесія	Каталіцкая Царква
Епархія	Мінска-Магілёўская архідыяцэзія
Архітэктурны стыль	неакласіцызм
Дата пабудовы	1904 год
Статус	Гісторыка-культурная каштоўнасць Беларусі, шыфр 512Г00058Зшыфр 512Г00058З
Медыяфайлы на Вікісховішчы

Гісторыя

Пабудавана ў 1904 годзе з цэглы як родавая пахавальня Сенажацкіх^[1]. Перададзена вернікам пасля пачатку перабудовы^[2] і асвячона 25 лістапада 1989 года^[1], належыць да каталіцкай парафіі Святых Ядвігі і Казіміра.

Адрэстаўраваная рукамі вернікаў, пэўны час выконвала ролю касцёла. Цяпер кожны год на свята Св. Антонія (апекуна г. Магілёва) да яе ладзіцца ўрачыстая працэсія ад касцёла Св. Станіслава^[2]

Архітэктура

Бакавы фасад

Кампактны прамавугольны ў плане будынак пад пакатым 2-схільным дахам. Да фасада далучана 4-гранная вежа-званіца з прамавугольным уваходным праёмам пад трохвугольным франтонам і арачным аконным праёмам над ім. Трохвугольнымі франтонамі завершаны і грані званіцы, крапаваныя па баках арачнымі нішамі. Бакавыя фасады рытмічна расчлянёны арачнымі аконнымі праёмамі і пілонамі ў прасценках. Мастацка-эстэтычная выразнасць дасягаецца высакаякаснай чырвонацаглянай муроўкай. Помнік архітэктуры неакласіцызму^[1].

Зноскі

1. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.
2. Пушкін, І. А. Гістарычная і культурная спадчына горада Магілёва : Курс лекцый. — Магілёў: УА МДУХ, 2006. — 150 с. Архівавана 21 снежня 2019.