Капліца Святога Казіміра (Ружаны)

Каплі́ца Свято́га Казі́міра, таксама Касцё́л Святога Казіміра — каталіцкі храм у Ружанах Пінскай дыяцэзіі. Помнік архітэктуры ранняга класіцызму.

Славутасць
Капліца Святога Казіміра
52°52′11,5″ пн. ш. 24°53′48,50″ у. д.HGЯO
Краіна	Беларусь
Мястэчка	Ружаны
Канфесія	каталіцтва
Епархія	Пінская дыяцэзія
Тып будынка	капліца
Архітэктурны стыль	класіцызм
Архітэктар	Ян Самуэль Бекер
Дата заснавання	1792
Статус	ахоўваецца дзяржавай
Стан	закінуты
Медыяфайлы на Вікісховішчы

У паняцця ёсць і іншыя значэнні, гл. Касцёл Святога Казіміра.

Гісторыя

Пабудову капліцы фундаваў уласнік ружанскага маёнтка Аляксандр Сапега. Праект выканаў саксонскі архітэктар Ян Самуэль Бекер. Будаўніцтва звязваюць з мошчамі святога Казіміра, якія ў сярэдзіне XVII стагоддзя захоўваліся ў ружанскіх уладаннях Сапегаў^[1]. Першапачаткова капліца ўваходзіла ў склад комплексу базыльянскага кляштара.

Архітэктура

Будынак мураваны прамавугольны ў плане, накрыты двухсхільным дахам. Па перыметры будынка праходзіць прафіляваны карніз. Прамавугольныя высокія вокны. Уваходныя дзверы і бакавыя нішы аздоблены ліштвамі. Сцены ў інтэр’еры завершаныя карнізам. Алтар мураваны ў выглядзе порціка дарычнага ордара.

Зноскі

1. Наталля Пракаповіч.. Летапіс духоўнасці: культавая архітэктура (нявызн.). Всё о Ружанах (8 верасня 2012).