Капліца на могілках (Пінск)

Капліца, Касцёл Маці Божай Балеснай — каталіцкая капліца ў Пінску, якая размяшчалася на могілках па вул. Спакойнай.

Славутасць
Капліца на могілках
Касцёл у 1921 годзе
52°07′31″ пн. ш. 26°05′22″ у. д.HGЯO
Краіна	Беларусь
Месцазнаходжанне	Пінск
Дата пабудовы	1820
Медыяфайлы на Вікісховішчы

Гісторыя

Пабудавана ў 1820 годзе з дрэва францысканцамі. Адлюстравана на малюнку Я. Драздовіча 1926 года і фотаздымку 1956 года. У 1927 годзе адрэстаўрыравана. Існавала да канца XX стагоддзя^[1]. На месцы капліцы пастаўлены крыж^[2].

Месца капліцы ў наш час

Архітэктура

Прамавугольны зруб з 3-граннай апсідай, над якой двухсхільны дах пераходзіць у гранёнае вальмавае пакрыццё. Апсіда завершана двух’ярусным 8-гранным барабанам з цыбулепадобнай галоўкай. З паўднёвага боку да апсіды далучаны нізкі прыруб сакрысціі пад 3-схільным дахам. Галоўны ўсходні фасад вырашаны 4-калоннай галерэяй з балюстраднай агароджай і трохвугольным франтонам у завяршэнні. Над ім на партатыўным атыку пастаўлены крыж. Фасады вертыкальна ашаляваны, расчлянёны прамавугольнымі аконнымі праёмамі ў простых ліштвах і брусамі-сцяжкамі ў прасценках. Зала перакрыта плоскай столлю, на 2 слупах узнята галерэя хораў.

• 
  Апсіда
• 
  Алтар
• 
  Бакавы фасад
• 
  Галоўны фасад. 1921
• 
  Касцёл на малюнку Язэпа Драздовіча. 1926
• 
  Касцёл на малюнку Язэпа Драздовіча. 1926

Зноскі

1. Вуліца Спакойная: старадаўнія могілкі горада на Піне (бел.)  (нявызн.) ?. Catholic.By. Праверана 27.05.2022.
2. Сіламі парафіян Пінскай катэдры быў усталяваны новы крыж на могілках (бел.)  (нявызн.) ?(недаступная спасылка). Катэдральная парафія Унебаўзяцця Найсвяцейшай Панны Марыі. Праверана 27.05.2022.