Карвелі

Карве́лі^[1] (трансліт.: Karvieli, руск.: Карвели) — вёска ў Вілейскім раёне Мінскай вобласці. Уваходзіць у склад Любанскага сельсавета.

Вёска Карвелі Краіна Беларусь Вобласць Мінская Раён Вілейскі Сельсавет Любанскі Каардынаты 54°32′04″ пн. ш. 26°55′09″ у. д.HGЯO Насельніцтва ▲75 чал. (2009) Часавы пояс UTC+3 Тэлефонны код +375 1771 Паштовыя індэксы 222445 Аўтамабільны код 5 Карвелі Карвелі Карвелі

Назва

Ва ўжытку літоўскамоўных аўтахтонных жыхароў — Karveliai^[2]. Літоўскае прозвішча Karvelis ад літоўскага karvelis "голуб"^[3]. Тапанімічны аналаг у рэгіёне — Галубы.

Геаграфія

Размяшчаецца за 7 км на поўнач ад горада Вілейка, 111 км ад Мінска.

За 0,3 км на поўдзень ад вёскі знаходзіцца Гарадзішчанскае радовішча пяску^[4]. Лінзападобны паклад звязаны з водна-ледавіковымі адкладамі часу адступання сожскага ледавіка. Ва ўскрышы пяскі, супескі.

Гісторыя

У 1800 г. вёска ў Вілейскім павеце Мінскай губерні Расійскай імперыі, сумесная ўласнасць Д. Радзівіла (10 двароў, 64 жыхары) і Касуцкага базыльянскага кляштара (2 двары, 11 жыхароў). У 1873 г. вёска ў Куранецкай воласці Вілейскага павета Віленскага ваяводства, 28 рэвізскіх душ. У 1908 г. вёска ў складзе Куранецкай сельскай грамады і воласці, 63 дзесяцін надзелаў.

З 1921 года вёска і фальварак у складзе Польскай Рэспублікі, належала да Віленскага ваяводства, Вілейскага павета, гміны Куранец^[5][6].

З лістапада 1939 года ў БССР, з 15 студзеня 1940 года ў Куранецкім раёне Вілейскай вобласці. У Вялікую Айчынную вайну з 25 чэрвеня 1941 да 3 ліпеня 1944 года акупіраваны нацыстамі. З 20 верасня 1944 года ў Куранецкім, з 3 ліпеня 1946 года ў Вілейскім раёнах Маладзечанскай, з 20 студзеня 1960 года Мінскай абласцей. З 28 ліпеня 1980 года ў Любанскім сельсавеце.

Насельніцтва

• 1897 год — 113 жыхароў, 13 двароў; у фальварку З жыхары.
• 1908 год — 115 жыхароў, 18 двароў.
• 1921 год — 93 жыхары, 18 двароў^[7].
• 1931 год — 104 жыхары, 20 двароў^[8].
• 1960 год — 100 жыхароў.
• 2003 год — 60 жыхароў, 30 гаспадарак.
• 2008 год — 74 жыхары, 36 гаспадарак.

Вядомыя асобы

• Алена Мікалаеўна Краткова (нар. 1973) — беларускі ўрач-фтызіятр. Кандыдат медыцынскіх навук.