Кардэлія (спадарожнік Урана)

У паняцця ёсць і іншыя значэнні, гл. Кардэлія.

Кардэлія (англ.: Cordelia) — самы блізкі да планеты спадарожнік Урана. Была адкрыта 20 студзеня 1986 на здымках, зробленых апаратам «Вояджэр-2», і атрымала часовае абазначэнне S/1986 U 7. З тых часоў не назіралася, пакуль касмічны тэлескоп «Хабл» не атрымаў адпаведныя выявы ў 1997 годзе. Названая да імя персанажа з п'есы Шэкспіра «Кароль Лір». Таксама пазначаецца як Уран VI.

Кардэлія
спадарожнік Урана
Здымак, на якім была адкрыта Кардэлія
Здымак, на якім была адкрыта Кардэлія
Гісторыя адкрыцця
Першаадкрывальнік	Р. Тэрыл / «Вояджэр-2»
Дата адкрыцця	20 студзеня 1986
Арбітальныя характарыстыкі
Вялікая паўвось	49 751,722 ± 0,149 км[1]
Эксцэнтрысітэт	0,00026 ± 0,000096[1]
Перыяд абарачэння	0,33503384 ± 0,00000058 д[1]
Нахіл арбіты	0,08479 ± 0,031° (да экватара Урана)[1]
Фізічныя характарыстыкі
Дыяметр	50 × 36 × 36 км[2]
Сярэдні радыус	21 ± 3 км[2]
Плошча паверхні	~5500 км2[3]
Маса	~5,0×1016 кг[3]
Шчыльнасць	~1,3 г/см3 (меркавана)
Паскарэнне свабоднага падзення	~0,0073 м/с2[3]
Перыяд вярчэння вакол сваёй восі	сінхранізаваны
Альбеда	0,08 ± 0,01[4]
Тэмпература паверхні	~64 К[3]
Атмасфера	няма

За выключэннем арбіты, радыуса ў 21 км і геаметрычнага альбеда 0,08, пра Кардэлію практычна нічога не вядома.

На здымках, перададзеных «Вояджэр-2», Кардэлія выглядае як даўгаваты аб’ект, накіраваны сваёй галоўнай воссю на Уран. Суадносіны яе папярочнага памеру да падоўжнаму складаюць 0,7 ± 0,2.

Кардэлія выконвае ролю "спадарожніка-пастуха" на ўнутраным краі кольца Эпсілан Урана. Арбіта Кардэліі размяшчаецца ўнутры сінхроннай арбіты Урана, з прычыны чаго арбіта гэтага спадарожніка паступова зніжаецца з-за ўздзеяння прыліўных сіл.