Карл VII Альбрэхт

У паняцця ёсць і іншыя значэнні, гл. Карл VII.

Карл VII Альбрэхт (ням.: Karl VII. Albrecht, 6 жніўня 1697, Брусель — 20 студзеня 1745, Мюнхен) — імператар Свяшчэннай Рымскай імперыі з 14 студзеня 1742 года, кароль Чэхіі з 7 снежня 1741 года, курфюрст Баварыі (Карл Альбрэхт) з 26 лютага 1726 года.

Карл VII
ням.: Karl VII. Albrecht
Партрэт працы Джорджа Дэмарэ, каля 1766
Курфюрст Баварыі 26 лютага 1726 — 20 студзеня 1745 (пад імем Карл Альбрэхт)
Папярэднік	Максіміліян II Эмануіл
Пераемнік	Максіміліян III Іосіф
Кароль Чэхіі 7 снежня 1741 — 1743
Папярэднік	Карл VI
Пераемнік	Марыя Тэрэзія
Імператар Свяшчэннай Рымскай імперыі 14 студзеня 1742 — 20 студзеня 1745
Папярэднік	Карл VI
Пераемнік	Франц I
Нараджэнне	6 жніўня 1697(1697-08-06)[1][2][…] Брусель, Іспанскія Нідэрланды
Смерць	20 студзеня 1745(1745-01-20)[1][3][…] (47 гадоў) Мюнхен, Q19964046?, Герцагства Баварыя
Месца пахавання	Тэатынеркірхэ[4]
Род	Вітэльсбахі
Бацька	Максіміліян II Эмануэль[d]
Маці	Тэрэза Кунегунда Сабеская[d]
Жонка	Марыя Амалія Аўстрыйская[d][5]
Дзеці	Maria Antonia Walpurgis of Bavaria[d], Максіміліян III Ёзеф[d], Duchess Maria Anna Josepha of Bavaria[d], Марыя Язефа Баварская[d], Theresa Benedicta of Bavaria[d], Franz Ludwig von Holnstein[d], Maria Josephine von Hohenfels[d] і Joseph Louis of Bavaria[d]
Веравызнанне	Каталіцкая Царква
Аўтограф
Узнагароды
Медыяфайлы на Вікісховішчы

Да абрання імператарам

Нарадзіўся ў 1697 годзе, сын Максіміліяна II Эмануіла, курфюрста баварскага, у той час намесніка Іспанскіх Нідэрландаў; пасля заваявання баварскіх земляў (1704) імператарам Іосіфам I адведзены быў у палон; атрымаў свабоду паводле Раштацкага міру. У 1717 годзе камандаваў баварскай дывізіяй на вайне з туркамі, вылучыўся пры ўзяцці Бялграда. У 1731 годзе пратэставаў супраць прагматычнай санкцыі.

Сям'я

У 1722 годзе ажаніўся з Марый Амалій Аўстрыйскай (1701—1756), малодшай дачкой імператара Іосіфа I. Дзеці:

• Максіміліяна (1723);
• Марыя Антонія (1724—1780), жонка курфюрста Саксоніі Фрыдрыха Крысціяна;
• Тэрэза Бенедыкта (1725—1743);
• Максіміліян III Іосіф (1727—1777), будучы курфюрст Баварыі;
• Жазеф Людвіг (1728—1733);
• Марыя Ганна (1734—1776), жонка маркграфа Бадэн-Бадэна Людвіга Георга;
• Марыя Жазефа (1739—1767), жонка імператара Іосіфа II.

Вайна за аўстрыйскую спадчыну

Смерць імператара Карла VI (1740) прымусіла яго зноў выступіць са сваімі дамаганнямі і ўступіць у саюз з Францыяй і Іспаніяй (1741). З французска-баварскім войскам Карл увайшоў у Верхнюю Аўстрыю, заняў Лінц, прыняў тытул эрцгерцага аўстрыйскага, затым узяў у лістападзе 1741 года начным нападам Прагу і загадаў саслоўям прызнаць сябе каралём чэшскім.

Выбраны 24 студзеня 1742 года рымскім імператарам, ён адправіўся ў Франкфурт-на-Майне для каранацыі. Тым часам аўстрыйскія войскі зноў заваявалі Верхнюю Аўстрыю і Чэхію, занялі Баварыю і ўзялі Мюнхен. Перамогі імперскага генерала Секендорфа дазволілі Карлу вярнуцца ў Мюнхен (1743), але неўзабаве аўстрыйцы зноў уварваліся ў Баварыю, і імператар у чэрвені таго ж года павінен быў ізноў пакінуць сваю сталіцу. Калі яго саюзнікі, французы, былі разбіты Георгам II Англійскім, саюзнікам Марыі-Тэрэзіі, пры Дэтынгене (27 чэрвеня 1743) і адціснуты за Рэйн, яго выратаваў толькі новы саюз (Франкфурцкая унія), складзены 5 чэрвеня 1744 года з Фрыдрыхам II, які ўварваўся ў Чэхію і распачаў Другую сілезскую вайну.

Аўстрыйцы павінны былі пакінуць Баварыю, але Карл VII вярнуўся ў Мюнхен, толькі каб памерці. Ён быў цалкам перакананы ў сваім праве на Аўстрыю, але яму не хапала энергіі для паспяховай барацьбы за гэта права.

Зноскі

1. Lundy D. R. Karl VII Albrecht von Bayern, Holy Roman Emperor // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. Karlo VII. Albert (Karlo Bavarski) // Proleksis enciklopedija, Opća i nacionalna enciklopedija — 2009.

   <a href='https://wikidata.org/wiki/Track:Q3407324'></a>
3. Carles VII // Gran Enciclopèdia Catalana — Grup Enciclopèdia, 1968.

   <a href='https://wikidata.org/wiki/Track:Q18696256'></a><a href='https://wikidata.org/wiki/Track:Q2664168'></a>
4. Find a Grave — 1996. Праверана 30 ліпеня 2024.

   <a href='https://wikidata.org/wiki/Track:Q63056'></a>
5. (unspecified title) Праверана 7 жніўня 2020.