Карэльскі перашыек

Карэльскі перашыек — участак сушы паміж Фінскім залівам і Ладажскім возерам. Паўднёвай мяжой Карэльскага перашыйка лічыцца рака Нява, а паўночная мяжа праходзіць па лініі Выбарг — мяжа Ленінградскай вобласці і Карэліі.

Карэльскі перашыек. Паказаны межы паміж СССР і Фінляндыяй да і пасля Савецка-фінскай вайны 1939—1940 гг.

Возера Вуокса

Геаграфічна гэта тэрыторыя прыкладна паміж 61°21’ і 59°46’ паўночнай шыраты і 27°42’ і 31°08’ усходняй даўгаты. З поўначы на поўдзень працягласць перашыйка складае 150—180 км, з захаду на ўсход 55—110 км.

Найвышэйшы пункт Карэльскага перашыйка — гара Ківісюр'я^[1], вышыня якой 203,7 м над узроўнем мора^[2][3] (па даных пачатку XX стагоддзя — 206 м^[4], паводле даных фінскіх даваенных тапографаў — 205 м^[5], паводле даных Вялікай савецкай энцыклапедыі — 201 м^[6]), размешчана непадалёк ад мястэчка Наважылава, ва ўрочышчы Каменная гара^[7][8].

Адміністрацыйна тэрыторыя падзелена паміж Санкт-Пецярбургам (Курортны, Прыморскі, Выбаргскі, Калінінскі, Краснагвардзейскі і Неўскі (правы бераг) раёны Санкт-Пецярбурга) і Ленінградскай вобласцю (Прыазерскі, Выбаргскі і Усевалажскі раёны Ленінградскай вобласці).

Гл. тасама

• Пасёлак Рошчына

Зноскі

1. Д. И. Шитов. Карельский перешеек. Земля неизведанная. Часть 4: Восточный сектор. СПб., 2007. С. 54.
2. Ліст карты [ P-36-121-В,Г] Васкелово. Маштаб: 1:50 000. Стан мясцовасці на 1986 год. Выданне 1987 г. (руск.)
3. Ліст карты P-36-121-В-а,б Волчья. Маштаб: 1 : 25 000. (руск.) Квадрат 1146-1.
4. Е. Л. Александрова. Санкт-Петербургская губерния. СПб., 2011. С. 559. ISBN 978-5-904790-09-7
5. Лист карты [ 6700/10-30°-510/20 Raasuli]. Масштаб: 1 : 20 000. Состояние местности на 1933 год. Издание 1934 г. (руск.)
6. Лемболовская возвышенность (руск.) — артыкул з Вялікай савецкай энцыклапедыі
7. 60°29,32′ пн. ш. 30°11,91′ у. д.^HGЯO
8. Найвышэйшы пункт Карэльскага пярэсмыка (нявызн.). geocaching.su (9 ліпеня 2008). Архівавана з першакрыніцы 24 жніўня 2011. Праверана 14 студзеня 2011.