Касцёл Найсвяцейшай Дзевы Марыі (Радамля)

Касцёл Найсвяцейшай Дзевы Марыі — колішні рымска-каталіцкі храм у в. Радамля Чавускага раёна.

Славутасць
Касцёл Найсвяцейшай Дзевы Марыі
Краіна	Беларусь
Месцазнаходжанне	Радамля
Архітэктурны стыль	неакласіцызм
Дата пабудовы	XX стагоддзе

Невялікі мураваны храм фундаваны Хадкевічамі ў пачатку 20 ст. на месцы папярэдняга.

Архітэктура

Касцёл, інтэр’ер

Архітэктура будынка была вырашана ў стылі неакласіцызму. Галоўны фасад фланкіравалі дзве 2-ярусныя 4-гранныя купальныя вежы, на гарызантальна руставаных плоскасцях якіх вылучаліся арачныя аконныя праёмы з замковым каменем, вуглавыя слаёныя пілястры. Цэнтральная частка фасада была завершана ступеньчатым атыкам, галоўны ўваход аформлены рэнесансным парталам з лучковым франтонам, над якім была размешчана круглая люкарна.

Святары[1]

• Чарнеўскі;
• Іваноўскі;
• 1895—1907 — Ян Пацэвіч;
• з 1908 — Іеранім Іеранімавіч Будрыс;
• 1923 — Станіслаў Лаўрыновіч;
• 1920-я — Станіслаў Антонавіч Ярашэвіч.

Зноскі

1. Маракоў, Л. Святыні Беларусі, што згадваюцца ў даведніку, і святары, якія ў іх служылі // Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — С. 585. — 776 с. — ISBN 978-985-6917-12-0.