Касцёл Найсвяцейшай Тройцы (Стараельня)

Касцёл Найсвяцейшай Тройцы — колішні каталіцкі храм у в. Стараельня Дзятлаўскага раёна.

Славутасць
Касцёл Найсвяцейшай Тройцы
Касцёл у Стараельні, пач. ХХ ст.
53°26′27″ пн. ш. 25°43′12″ у. д.HGЯO
Краіна	Беларусь
Месцазнаходжанне	Стараельня
Архітэктурны стыль	беларускае народнае дойлідства
Дата пабудовы	1729
Дата скасавання	1939
Матэрыял	драўніна і бутавы камень
Медыяфайлы на Вікісховішчы

Гісторыя

Парафія створана ў 1450 годзе^[1]. Першы касцёл пабудаваны ў 1650 г. канцлерам вялікім літоўскім Львом Сапегам^[2]. Наступны касцёл пабудаваны ў 1728—1729 гадах^[1]. У 1864 г. парафія скасавана, касцёл перададзены праваслаўным^[2].

Паводле адных звестак існаваў да 1939 года^[2], паводле іншых — зачынены ў 1947 годзе, зруйнаваны, вернуты ў 1988 г., праз год адбудаваны і асвечаны ў 1993 годзе^[1].

Часткова захавалася мураваная званіца^[3].

Архітэктура

Храм быў пабудаваны ў традыцыях народнага драўлянага дойлідства: шырокі і працяглы прамавугольны зруб пад двухсхільным гонтавым дахам. Цэнтральная частка галоўнага фасада была вырашана выкладзеным з бутавага каменю рызалітам, завершаным трохвугольным франтонам, над якім стаяла барочная сігнатурка з крыжам^[2].

Святары[4]

• 1934 — Вацлаў Янавіч Пянткоўскі.

Зноскі

1. Стараельня — парафія Найсвяцейшай Тройцы
2. Касцёл Найсвяцейшай Тройцы // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 459. — 488 с. — ISBN 978-985-11-0395-5.
3. Званіца (руіны) на сайце Глобус Беларусі (руск.)
4. Маракоў, Л. Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — С. 599. — 776 с. — ISBN 978-985-6917-12-0.