Касцёл Нараджэння Найсвяцейшай Дзевы Марыі (Вязынь)

Касцёл Нараджэння Найсвяцейшай Дзевы Марыі — мураваны каталіцкі храм у аграгарадку Вязынь Вілейскага раёна Мінскай вобласці.

Касцёл
Касцёл Нараджэння Найсвяцейшай Дзевы Марыі
54°25′17″ пн. ш. 27°09′43″ у. д.HGЯO
Краіна	Беларусь
Аграгарадок	Вязынь
Канфесія	Рымска-каталіцкая царква
Епархія	Мінска-Магілёўская архідыяцэзія
Благачынне	Вілейскі дэканат
Архітэктурны стыль	неаготыка
Будаўніцтва	1908—1909 гады

Гісторыя

Пабудаваны ў 1908-1909 гадах. Першапачаткова гэты касцёл быў пабудаваны ў якасці капліцы-пахавальні і ўваходзіў у склад сядзібнага комплексу Гяцэвічаў. Акрамя капліцы якая стала касцёлам, ад сядзібнага комплекса захавалася толькі некалькі гаспадарчых пабудоў.

Капліца была асвечана ў гонар Нараджэння Найсвяцейшай Дзевы Марыі і стала выконваць ролю касцёла яшчэ ў першай палове XX стагоддзя. Пасля Другой Сусветнай Вайны касцёл быў зачынены, а ў будынку храма размяшчаліся ў розны час клуб, склад і музей.

У 1993 годзе капліцу вярнулі вернікам, пасля чаго яна была адрэстаўраваная і зноў стала дзеючым касцёлам^[1].

Зноскі

1. Вязынь