Касцёл Святога Ільі (Ураджайная)

Касцёл Святога Ільі — мураваны каталіцкі храм у вёсцы Ураджайная Глыбоцкага раёна Віцебскай вобласці.

Каталіцкі храм
Касцёл Святога Ільі
55°03′28″ пн. ш. 27°54′47″ у. д.HGЯO
Краіна	Беларусь
Вёска	Ураджайная
Канфесія	Каталіцызм
Епархія	Віцебская дыяцэзія Докшыцкі дэканат
Дата пабудовы	2005 год
Стан	дзейнічае
Медыяфайлы на Вікісховішчы

Гісторыя

Парафія ў населеным пункце Ураджайная была зарэгістравана ў 1995 годзе. Касцёл пабудаваны ў 2005 годзе з бутавага каменю і цэглы ў цэнтры вёскі на вуліцы Ураджайная, 21.

Архітэктура

Вырашаны прамавугольным у плане аб’ёмам пад двухсхільным дахам з вальмай над алтарнай часткай. У фасад урэзана 4-гранная вежа-званіца, завершаная спічастым шатром. Трансепт на бакавых фасадах адзначаны кампазіцыйнымі трохвугольнымі франтонамі. Паліхромная бутавая муроўка сцен расчлянёна арачнымі аконнымі праёмамі, выкладзенымі цэглай гарызантальнымі цягамі і прасценачнымі лапаткамі^[1].

Капліца

Прыдарожная каплічка.

У цэнтры паселішча ў канцы XX стагоддзя была пастаўлена цагляная капліца — твор народнай творчасці. Вырашана невысокай чатырохграннай тумбай пад паўкруглым завяршэннем. На франтальнай грані прамавугольна зашклёная ніша для абраза. З тыльнага боку пастаўлены драўляны крыж.

Зноскі

1. Касцёл Святога Іллі. Глыбоцкі раён, в. Ураджайная