Касцёл Святога Юзафа (Жыткавічы)

Касцёл Святога Юзафа — мураваны каталіцкі храм у горадзе Жыткавічы Гомельскай вобласці. Размяшчаецца ў цэнтры горада.

Каталіцкі храм
Касцёл Святога Юзафа
52°12′28″ пн. ш. 27°51′59″ у. д.HGЯO
Краіна	Беларусь
Горад	Жыткавічы
Канфесія	Каталіцызм
Епархія	Пінская дыяцэзія Мазырскі дэканат
Стан	дзейнічае

Гісторыя

У пачатку ХХ стагоддзя ў мястэчку існавала рымска-каталіцкая парафія пад тытулам св. Тэрэзы ад Дзіцятка Езус. Парафіяльныя набажэнствы адбываліся ў невялікай капліцы. Драўляны касцёл быў пабудаваны ў 1935 годзе ў цэнтры мястэчка. 30 чэрвеня 1936 года біскуп Казімір Букраба правёў урачыстае асвячэнне святыні. У 1939 годзе жыткавіцкая парафія налічвала каля 250 вернікаў. Стары будынак касцёла не захаваўся.

Рэлігійнае жыццё пачало адраджацца ў 1990-я гады, калі да мясцовых католікаў сталі прыязджаць святары з суседніх раёнаў. Была створана парафія імя св. Юзафа Рамесніка. У 2000 годзе было распачата будаўніцтва новага касцёла. Касцёл пабудаваны з цэглы^[1].

Архітэктура

Вырашаны прамавугольным у плане аб’ёмам пад двухсхільным дахам. Плоскасныя бакавыя фасады члянёны на два ярусы высока ўзнятымі арачнымі аконнымі і дзвярным праёмамі. Уваход вырашаны аркадным ганкам пад двухсхільным пакрыццём, якое рытмуецца з двухгранным шчытом фасада, завершаным арачным аконным праёмам.^[2].

Зноскі

1. https://www.radzima.org/be/object/6335.html
2. ЖЫТКАВІЦКІ КАСЦЁЛ СВЯТОГА ЮЗАФА (нявызн.)(недаступная спасылка). Архівавана з першакрыніцы 15 кастрычніка 2019. Праверана 15 кастрычніка 2019.