Касцёл Святога Юзафа (Лунінец)

Касцёл Святога Юзафа — мураваны каталіцкі храм у г. Лунінцы Брэсцкай вобласці.

Каталіцкі храм
Касцёл Святога Юзафа
52°14′25″ пн. ш. 26°48′15″ у. д.HGЯO
Краіна	Беларусь
Месцазнаходжанне	Лунінец
Канфесія	Каталіцызм
Епархія	Пінская дыяцэзія
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Святога Юзафа.

Гісторыя

У 1931 годзе біскуп Зыгмунт Лазінскі асвяціў у Лунінцы новы будынак касцёла парафіі Святога Юзафа. Касцёл быў кансакраваны 11 ліпеня 1935 года біскупам з Пінска Казімірам Букрабам. Больш як 15 святароў працавалі ў Лунінецкім касцёле Святога Юзафа да канчатковага закрыцця яго савецкімі ўладамі ў 1948 г^[1].

Будынак выкарыстоўвалі як склад, потым яго перадалі пад раённы Дом культуры: тут ладзіліся канцэрты і праводзіліся моладзевыя дыскатэкі. Вежу, якая надавала будунку асаблівую прывабнасць, разбурылі.

Пасля распаду СССР Дом культуры пераехаў у частку былога гаркама партыі, касцёл аддалі вернікам ХВЕ. Аднак каталікі праз суд вярнулі будынак парафіі^[2].

Першая Імша адбылася ў будынку Лунінецкага касцёла 13 красавіка 1997 года.

Архітэктура

Помнік архітэктуры гістарызму з рысамі неакласіцызму і неаготыкі. Вырашаны працяглым прамавугольным у плане аб’ёмам пад двухсхільным дахам. 3 тыльнага боку далучана ніжэйшая пяцігранная апсіда пад вальмавым пакрыццём. Фасад завершаны трохвугольным франтонам, крапаваны пілястрамі на тры праслы, у цэнтральным з якіх прамавугольны ўваходны праём і акно-ружа над ім. Бакавыя фасады рытмічна расчлянёны прамавугольнымі аконнымі праёмамі з замковым каменем над перамычкамі і контрфорсамі ў прасценках^[3].

• Капліца парафіі Святога Казіміра
• 
• 
• 
• 
• 

Гл. таксама

• Пінскі дэканат

Зноскі

1. http://luninec.by2.by/luninets.html
2. https://media-polesye.by/news/kascyol-svyatoga-iosifa-u-lunincy-svyataya-imsha-i-poglyad-u-minulae-24218
3. Архіўная копія (нявызн.)(недаступная спасылка). Архівавана з першакрыніцы 25 сакавіка 2018. Праверана 5 кастрычніка 2019.