Касцёл Святога Іосіфа (Ляхавічы)

Касцёл Святога Іосіфа — дзеючы рымска-каталіцкі храм у горадзе Ляхавічы Брэсцкай вобласці.

Каталіцкі храм
Касцёл Святога Іосіфа
53°02′59″ пн. ш. 26°16′05″ у. д.HGЯO
Краіна	Беларусь
Горад	Ляхавічы
Канфесія	Каталіцтва
Епархія	Пінская дыяцэзія
Дэканат	Ляхавіцкі
Архітэктурны стыль	неаготыка
Заснавальнік	Ю. Рэйтан
Дата пабудовы	1907 год
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Святога Іосіфа.

Гісторыя

Касцёл у 1914 годзе.

Пабудаваны ў 1907 годзе з цэглы па фундацыі Ю. Рэйтана і намаганнямі ксяндза К. Ваньковіча. Асвячоны ў 1910 г. біскупам Янам Цепляком.

У пасляваенны час аб духоўным развіцці вернікаў клапаціўся ксёндз інфулат Вацлаў Пянткоўскі, які прыязджаў у Ляхавічы з суседняй парафіі ў Мядзведзічах. Падчас патаемнай падрыхтоўкі да святарства з 1974 па 1978 год тут працаваў качагарам ксёндз Рышард Юнік, шматгадовы пастыр парафіі ў Рубяжэвічах.

У другой палове стагоддзя будынак касцёла быў прыстасаваны і рэканструяваны пад паліклініку.

4 верасня 2019 года біскуп Пінскі Антоній Дзям’янка нанава здзейсніў асвячэнне касцёла, благаславіў абраз Святой Сям’і і крыж на фасадзе^[1].

Архітэктура

Помнік архітэктуры неаготыкі. Манументальнае збудаванне вырашана па тыпу трохнефавай аднавежавай базілікі з паўкруглай апсідай. Гатычную вертыкальную накіраванасць архітэктурнай кампазіцыі надавалі высокая шатровая званіца (васьмярык на чацверыку) на фасадзе і перспектыўны ўваходны стральчаты партал з акном-ружай над ім. Вертыкальны рытм стваралі ступеньчатыя контрфорсы з вежачкамі-фіяламі і «крабамі» ў завяршэнні ступеньчатых контрфорсаў, высокія вузкія стральчатыя нішы і аконныя праёмы, аркатурныя паясы. Бакавыя працяглыя фасады рытмічна чляніліся высокімі стральчатымі аконнымі праёмамі і ступеньчатымі контрфорсамі ў прасценках.

Унутраная прастора храма размяжоўвалася на тры нефы гранёнымі слупамі, перакрывалася стральчатымі скляпеннямі. У інтэр’еры меўся неагатычны амбон^[2].

Святары[3]

• Бенядзікт Навіцкі;
• 1910—32? — Леанард Кавецкі;
• 1933—35? — Мікалай Ікановіч;
• 1936—39 — Тадэвуш Драздоўскі;
• 1937—38 — Казімір Туміловіч;
• з 1939 — Станіслаў Рокаш;
• з 1956 — Вацлаў Янавіч Пянткоўскі.

Да 1940 года арганістам у касцёле быў Вітольд Віктаравіч Валынец.

Зноскі

1. https://catholic.by/3/news/belarus/10341-u-lyakhavichakh-nanava-asvyatsili-kastsjol-zabrany-paslya-vajny-i-nyadauna-vernuty-katolikam
2. Архіўная копія (нявызн.)(недаступная спасылка). Архівавана з першакрыніцы 6 кастрычніка 2019. Праверана 6 кастрычніка 2019.
3. Маракоў, Л. Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — С. 556. — 776 с. — ISBN 978-985-6917-12-0.