Касцёл Унебаўзяцця Найсвяцейшай Дзевы Марыі (Журавічы)

Касцёл Унебаўзяцця Найсвяцейшай Дзевы Марыі — колішні каталіцкі храм у вёсцы Журавічы Рагачоўскага раёна.

Славутасць
Касцёл Унебаўзяцця Найсвяцейшай Дзевы Марыі
Журавіцкі касцёл у пачатку XX стагоддзя
53°14′49″ пн. ш. 30°32′25″ у. д.HGЯO
Краіна	Беларусь
Месцазнаходжанне	Журавічы
Канфесія	каталіцтва
Епархія	Магілёўская архідыяцэзія
Архітэктурны стыль	класіцызм
Дата заснавання	1720

Гісторыя

Журавіцкі касцёл з боку апсіды ў пачатку XX стагоддзя

Драўляны храм пабудаваны ў 1720 годзе па фундацыі мясцовага абывацеля Юдзіцкага, было звыш 800 парафіян^[1]. Пасля паўстання 1863—1864 гадоў не быў скасаваны і прыняў парафіян суседняга закрытага касцёла ў вёсцы Свержань. У пачатку XX стагоддзя ксяндзом Вайцяховічам была ўзведзена адасобленая мураваная трох’ярусная шатровая званіца-брама^[2].

У канцы XVIII стагоддзя архітэктура храма набыла рысы стылю класіцызму^[2].

Архітэктура

Званіца касцёла ў пачатку XX стагоддзя

Плябанія ў пачатку XX стагоддзя

Быў вырашаны цэнтрычным крыжова-купальным аб’ёмам, завершаным у сяродкрыжжы вялікім васьмігранным барабанам пад сферычным з заломам купалам. Тарцы двухсхільных дахаў 6ылі закрыты трохвугольнымі франтонамі. Восі фасадаў адзначаліся паўкруглымі люкарнамі. У галоўным алтары знаходзілася скульптура Хрыста, меўся алтар Святога Антонія^[2].

Пробашчы[3]

• Мацвей Сакалоўскі;
• Чачот;
• Ігнацій Бернатовіч;
• Пётр Грыб (1903—1906);
• Карл Бялініс (1907—1909);
• Эдвард Феліксавіч Вайцэховіч (1909—1916?);
• Стэфан Мікалаевіч Война (1926—1928).