Кафедральны сабор Скары

Кафедральны сабор Скары (шведск.: Skara domkyrka) — галоўная царква епархіі Скара, збудаваная ў XI ст.

Славутасць
Кафедральны сабор Скары
Skara domkyrka
58°23′12″ пн. ш. 13°26′36″ у. д.HGЯO
Краіна	Швецыя
Горад	Скара
Канфесія	лютэранства і Шведская царква
Епархія	Епархія Скара
Архітэктурны стыль	готыка
Архітэктар	Хельга Сетэрваль[d]
Дата заснавання	1150
Будаўніцтва	1886—1894 гады
Вышыня	65 м
Матэрыял	пясчанік
Сайт	svenskakyrkan.se/… (шведск.) svenskakyrkan.se/… (англ.) svenskakyrkan.se/… (ням.)
Медыяфайлы на Вікісховішчы

Першапачаткова сабор, верагодна, быў драўляным, аднак пазней ён быў перабудаваны ў раманскім стылі ў камені і асвячоны ў 1150 г. Ад таго часу захавалася частка скульптурных упрыгожванняў.

У XIII ст. у саборы былі збудаваны хоры раннегатычнага стылю. У XIV стагоддзі пачалася перабудова галоўнага будынка царквы, падчас якой яго цэнтральная частка вырасла ўгару, набыўшы познегатычныя рысы. Сабор неаднаразова гарэў. Пажары ў ім адбываліся ў канцы XIV ст., у 1566 і 1719 гг.

Сабор да рэканструкцыі Хельга Сетэрваля

Паўднёвае крыло храма ўпрыгожвае франтон у стылі барока, які датуецца 1764—1765 гг.

У 1886—1894 гг. была праведзена шырокамаштабная рэстаўрацыя сабора. Адначасова ён быў перабудаваны ў гатычным стылі. Працы праводзіліся па чарцяжах архітэктара Хельга Сетэрваля. Новай рэстаўрацыі сабор Скары падвергся ў 1947—1949 гг. пад кіраўніцтвам Івара Тэнгбума.

Спасылкі

• На Вікісховішчы ёсць медыяфайлы па тэме Кафедральны сабор Скары