Кацярына Віктараўна Вандар’ева

Кацярына Віктараўна Вандар’ева (нар. 20 студзеня 1991, г. Старыя Дарогі, Мінская вобласць, БССР) — беларуская спартсменка, якая выступае ў кікбоксінгу  (руск.) і тайскім боксе  (руск.). Неаднаразовая чэмпіёнка свету і Еўропы, пераможца розных турніраў сярод аматараў і прафесіяналаў. Майстар спорту міжнароднага класа.

Кацярына Віктараўна Вандар’ева
Агульная інфармацыя
Пол	жанчына
Спецыялізацыя	бокс
Нарадзілася	20 студзеня 1991(1991-01-20) (34 гады) Старыя Дарогі, Старадарожскі раён, Мінская вобласць, Беларуская ССР, СССР
Грамадзянства	Беларусь
Альма-матар	БДУФК
Медыяфайлы на Вікісховішчы

Біяграфія

Кацярына Вандар’ева да прыходу ў тайскі бокс займалася валейболам, лёгкай атлетыкай, самаабаронай, скончыла школу харэаграфіі^[1].

У кікбоксінг прыйшла ў 16 гадоў, у 2007 годзе, мінскі клуб «Кік Файтэр». Хацела паступіць у Акадэмію МУС, аднак пазней выбрала Беларускі дзяржаўны ўніверсітэт фізічнай культуры (спецыяльнасць менеджэр па турызме; скончыла ў 2013 годзе).

Першымі трэнерамі былі чэмпіёны свету і Еўропы Андрэй Кулебін  (руск.) і Андрэй Коцур  (руск.), якія і зрабілі з яе чэмпіёнку. Першы прафесійны бой правяла на Кіпры з гречанкай. Чэмпіёнкай свету стала з першага разу — у Тайландзе ў 2009 годзе, праз год пасля таго, як прыйшла ў тайскі бокс^[2].

Па стане на канец 2012 года правяла 65 баёў, выйграла 58, з іх 16 КО^[3].

Яе любімая ўзнагарода — кубак «Лепшы баец Чэмпіянату Свету», узнагарода па самай прэстыжнай версіі IFMA. Узнагароджвалі на Дзень нараджэння караля Тайланда, пры яго палацы, член каралеўскай сям’і^[1].

Тытулы

• Чэмпіёнка Свету WKN 2010 і 2011
• Чэмпіёнка Свету IFMA2010
• Лепшы баец Чэмпіянату Свету
• Чэмпіёнка Свету WMF2009, Срэбра — 2010
• Чэмпіёнка Еўропы IFMA 2009, 2012 (Анталья, Турцыя)
• Чэмпіёнка Беларусі 2009, 2010, 2011, 2012^[2].

Зноскі

1. Екатерина Вандарьева, первая красавица тайского бокса (нявызн.). Спорт. СТВ (30 лістапада 2012). Архівавана з першакрыніцы 9 красавіка 2013. Праверана 24 сакавіка 2013.
2. Екатерина Вандарьева проведет свой бой в рамках W5 Fighter! (нявызн.). журнал «Mens.by» (2 кастрычніка 2012). Архівавана з першакрыніцы 9 красавіка 2013. Праверана 24 сакавіка 2013.
3. Екатерина Вандарьева сразится за очередной титул Чемпионки (нявызн.). Лига смешанных единоборств «М-1 Беларусь» (октябрь, 2012). Архівавана з першакрыніцы 9 красавіка 2013. Праверана 24 сакавіка 2013.