Кацярына Сяргееўна Грыгор’ева

Кацярына Сяргееўна Грыгор’ева (15 верасня 1989, Аленягорск) — расійская топ-мадэль. З красавіка 2015 года па 2016 год з’яўлялася адным з «анёлаў» кампаніі Victoria’s Secret.

Кацярына Грыгор'ева
Дата нараджэння	15 верасня 1989(1989-09-15)[1] (36 гадоў)
Месца нараджэння	Аленягорск, Мурманская вобласць, РСФСР, СССР
Рост	180 см[2]
Грудзі	83 см[2]
Стан	61 см[2]
Сцёгны	89 см[2]
Колер валасоў	русыя[2]
Вочы	зялёныя[2]
Грамадзянства	Расія

У Вікіпедыі ёсць артыкулы пра іншых людзей з прозвішчам Грыгор'ева.

Нарадзілася ў Аленягорску Мурманскай вобласці у 1989 годзе ў сям’і вайскоўца, з дзевяцігадовага ўзросту займалася бальнымі танцамі. Адукацыю атрымала ў Мурманскім дзяржаўным тэхнічным універсітэце па спецыяльнасці «Маркетынг». У 2010 годзе праходзіла кастынг на конкурс «Міс Расія»^[3], аднак у фінал не патрапіла, наступную спробу зрабіла ў 2012 годзе^[3], аднак ізноў сур’ёзнага поспеху не дамаглася: увайшла ў дзясятку фіналістак. У 2012 годзе прыняла ўдзел у шоў Топ-мадэль па-руску^[2], стаўшы віцэ-міс конкурсу разам са сваёй сястрой, таксама мадэллю — Валянцінай Грыгор’евай. На міжнароднай арэне дэбютавала ў 2014 годзе на тыдні высокай моды ў Нью-Ёрку, адкрыўшы юбілейны паказ Donna Karan, пазней была запрошана ў Парыж і Мілан, дзе сярод іншых дэфілявала на паказах Elie Saab, Versace, Dolce & Gabbana, Oscar de la Renta, Celine, Givenchy, Gucci, Roberto Cavalli, Alexander McQueen. Па выніках 2014 года была абрана сайтам models.com, адной з лепшых мадэляў-адкрыццяў сезону^[4].

У розны час брала ўдзел у паказах: Alexander McQueen, Barbara Bui, Celine, Dolce & Gabbana, Donna Karan, Elie Saab, Giambattista Valli, Givenchy, Gucci, Isabel Marant, Oscar de la Renta, Ralph Lauren, Roberto Cavalli, Stella McCartney, Tory Burch, Versace, Viktor & Rolf, Vionnet, Emanuel Ungaro, Balmain, Givenchy, Nina Ricci, Anthony Vaccarello, Christian Dior і інш.^[2].

У 2014^[5], 2015^[6] і 2016 гадах^[7] была запрошана на выніковы паказ кампаніі Victoria’s Secret.

На вокладках часопісаў

• Numero, лістапад 2014^[8]
• Vogue Расія, лістапад 2014^[9]
• Allure Расія, красавік 2016^[10]
• Cover Magazine, чэрвень 2016^[11]

Зноскі

1. Kate Grigorieva // Česko-Slovenská filmová databáze — 2001.

   <a href='https://wikidata.org/wiki/Track:Q3561957'></a>
2. Кацярына Грыгор'ева: FashionModelDirectory.com (нявызн.). Праверана 08.11.2014.
3. Мурманчанка Екатерина Григорьева поборется за корону «Мисс Россия»
4. Top Newcomers / The breakout faces of the season FW14
5. See Who is Walking the 2014 Victoria’s Secret Fashion Show
6. Victoria’s Secret Fashion Show 2015: All 44 models revealed, plus the reality behind the auditions detailed | Features | Lifestyle | The Independent
7. Шоу Victoria’s Secret 2016: Secret Angel і Dark Angel
8. Numero November 2014 Cover (нявызн.).
9. Vogue Russia November 2014 Cover (нявызн.).
10. Allure Russia April 2016 Cover (Allure Russia) (нявызн.).
11. Cover soger digital praktikant - COVER (нявызн.).(недаступная спасылка)